Tags-Sukoon

hameñ sukūn mayassar nahīñ magar 'aḳhtar'
hamāre daur ko daur-e-najāt kis ne kahā

to bismillāh ke gumbad meñ kyā hai mo.atakif zāhid
sukūn-e-ḳhātir-e-muztar havāsoñ se amaañ tak hai

vo ban hī ghar se hai achchhā sukūn jis meñ mile
mujhe bhī o dil-e-ḳhāna-ḳharāb letā jā

navāh-e-jāñ meñ kahīñ abtarī sī lagtī hai
sukūn ho to ajab bekalī sī lagtī hai

vo paas aa.e to dil be-qarār hone lagā
sukūn-e-dil kā mire intishār hone lagā

dil kā sukūn aañkh kā taarā kise kaheñ
ye sochnā paḌā hai ki apnā kise kaheñ

vo jo phuul the tirī yaad ke tah-e-dast-e-ḳhār chale ga.e
tire shahr meñ bhī sukūn hai tire be-qarār chale ga.e

bahut sukūn thā Thahre hue samundar ko
ki us meñ jo bhī thā tūfān mere andar thā

baḌe sukūn se afsurdagī meñ rahtā huuñ
maiñ apne sāmne vaalī galī meñ rahtā huuñ

sitam ke parde meñ phir karam kar sukūn ko iztirāb kar de
dil-e-fasurda ko zindagī de shabāb ko phir shabāb kar de

is daur-e-sarkashī kī kashākash ke darmiyāñ
lagtī hai pur-sukūn jabīñ-sā.iyāñ mujhe

sunā he dasht meñ vahshat sukūn paatī hai
so apne aap ko vīrān karne vaalā huuñ

mere tajvīz-karda nusḳhe ke mutābiq
apnī zindagī ko pur-sukūn aur ḳhush-gavār banāne ke liye aap ko

hamāre ḳhāna-e-dil meñ raho sukūn ke saath
nikalnā chāho to ārām se nikal jaao

vo ḳhush-ḳhirām ki burj-e-zavāl meñ na milā
mujhe sukūn sitāre kī chaal meñ na milā

yahī aadat to hai 'sādī' sukūn-e-qalb kā baa.is
maiñ nafrat bhuul jaatā huuñ mohabbat baañT detā huuñ

ik pal ko bhī sukūn na de zindagī 'shamīm'
aur bhāgnā bhī chāhūñ to ye rāstā na de

ai sukūn-e-jāñ mujhe aisī hī hai terī talab
chashm-e-nam ko jis tarah rahtī hai dāmāñ kī talāsh

bār-e-ḳhātir hai hayāt-e-pur-sukūn o pur-jumūd
maiñ vo sāhil huuñ jise rahtī hai tūfāñ kī talāsh

mere sukūn-e-qalb ko le kar chale ga.e
aur iztirāb-e-dard-e-jigar de ga.e mujhe