Tags-Taghaful

ye taġhāful ek din ik sāneha ban jā.egā
aks to kho jā.egā aur aa.ina rah jā.egā

abhī ilzām-e-taġhāful na de un ko ai dil
shām-e-va.ada sahar-e-va.ada-ḳhilāfī to nahīñ

taqrīb-e-ishq hai ye dam-e-vāpsīñ nahīñ
tum jaao apnā farz-e-taġhāful adā karo

zarā bahr-e-ḳhudā insāf kar aur bhūlne vaale
taġhāful sheva-e-māshūq hotā hai magar itnā

ilzām-e-taġhāful hameñ taslīm hai lekin
badle hue andāz tumhāre bhī mile haiñ

kuchh taġhāful-mizāj thā saaqī
aur kuchh apnī pyaas bhī kam thī

ik taġhāful ki jo hai vaj.h-e-pareshānī-e-dil
ek yaad in kī hai jo rāhat-e-jāñ hai yaaro

nazar-e-taġhāful-e-yār kā gila kis zabāñ siiñ karūñ bayāñ
ki sharāb-e-sad-qadah aarzū ḳhum-e-dil meñ thī so bharī rahī

zabāñ par baat bhūle se na aa.e shikva-e-dil kī
taġhāful par kabhī un ke na harf aa.e to achchhā ho

junūn-e-shauq ne dil ko kiyā tabāh magar
kuchh is meñ tere taġhāful kā ehtimām bhī hai

is taġhāful pe ye aalam ki har ik mahfil se
vo bhī gaate hue 'vālī' kī ġhazal jaate haiñ

nafas mauj-e-muhīt-e-be-ḳhudī hai
taġhāful-hā-e-sāqī kā gila kyā

nigāh-e-be-mahābā chāhtā huuñ
taġhāful-hā-e-tamkīñ-āzmā kyā

tum na pāoge sāda-dil mujh sā
jo taġhāful ko bhī hayā jaane

aañkh khulne bhī na paa.ī thī ki us ne fauran
band burqe ke ba-andāz-e-taġhāful bāñdhe

tū hai aur ik taġhāful-e-paiham
maiñ huuñ aur intizār-e-be-andāz

ik sheva taġhāful hai ik ishva tajāhul hai
ġhussa hai bajā terā shikva mirā bejā hai

ik us kā taġhāful hai vo yaad aa hī gayā hai
ik vāda-e-fardā hai vo bhūlā bhī nahīñ thā

jalāyā mus.haf-e-dil tū ne kyuuñ barq-e-taġhāful se
jo sach bolūñ tujhe jhūTī qasam khāne ke kaam aatā