English
Favourite
Favourite
UrduShayarUrduShayar
Expand menu
Sign inAccount

Tags-Taghaful

'mus.hafī' maiñ hadaf-e-nāz huuñ aur vaañ ġhamza
dam-ba-dam dast-e-taġhāful meñ kamāñ detā hai
Ghazal
 munh mein jis ke tu shab-e-wasl zaban deta hai
us ke dil se apnā andāz-e-taġhāful pūchhiye
jis ke dil ko dard kā bhī aasrā miltā nahīñ
Ghazal
 tum se chhuT kar zindagi ka naqsh-e-pa milta nahin
junūn-e-shauq ne dil ko kiyā tabāh magar
kuchh is meñ tere taġhāful kā ehtimām bhī hai
Ghazal
 lagi hai bhiD baDa mai-kade ka nam bhi hai
dil tere taġhāful se ḳhabar-dār na ho jaa.e
ye fitna kahīñ ḳhvāb se bedār na ho jaa.e
Ghazal
 dil tere taghaful se KHabar-dar na ho jae
kuchh na kuchh ishq kī tāsīr kā iqrār to hai
us kā ilzām-e-taġhāful pe kuchh inkār to hai
Ghazal
 kuchh na kuchh ishq ki tasir ka iqrar to hai
aap ke taġhāful kā silsila purānā hai
us taraf nigāheñ haiñ is taraf nishāna hai
Sher
 aap ke taghaful ka silsila purana hai
jab jafā-jū ne taġhāful se bhī kī qat-e-nazar
ho razā-e-yār par shākir ye hai dil kī salāh
Ghazal
 dil ko yaksui ne di tark-e-talluq ki salah
jalvoñ ne tere hasrat-e-nazzāra ko mirī
dekhā kiyā hai nāz-e-taġhāful se baar baar
Ghazal
 nashtar se aarzu ke dil-e-zindagi figar
maiñ chalā aayā tirā husn-e-taġhāful le kar
ab tirī anjuman-e-nāz meñ rakkhā kyā hai
Ghazal
 saqiya tu ne mere zarf ko samjha kya hai
qaazī kā na Dar hai na ġham-e-mohtasib-e-shahr
hoshiyār na ho koī taġhāful ke barābar
Sher
 qazi ka na Dar hai na gham-e-mohtasib-e-shahr
kab tak ye tirā husn-e-taġhāful hai ḳhudā-yā
ik la.ib hai bar-dast-e-majāl apnī ye duniyā
Ghazal
 kho baiThi hai sare KHad-o-Khaal apni ye duniya
ham jis ke taġhāful kī shikāyat ko ga.e the
aañkh us ne uThā.ī to jahāñ zer-o-zabar thā
Ghazal
 yun us pe meri arz-e-tamanna ka asar tha
un kā taġhāful un kī tavajjoh
ik dil us par laakh tahlake
Ghazal
 Dhalke Dhalke aansu Dhalke
chhup-chhup ke dekhtā thā taġhāful kī aaḌ meñ
us ne barat liyā hai mujhe ijtināb meñ
Ghazal
 jhagDe KHuda se ho gae ahd-e-shabab mein
ham ne maanā ki taġhāful na karoge lekin
ḳhaak ho jā.eñge ham tum ko ḳhabar hote tak
Ghazal
 aah ko chahiye ek umr asar hote tak
mere phūloñ se bhī dāman ko bachāyā us ne
log samjhe haiñ taġhāful ko hayā mere ba.ad
Ghazal
 na murawwat hai na ulfat na wafa mere baad
ye soch kar ki taġhāful to us kī fitrat hai
maiñ apne dil ko baḌī der tak manātī rahī
Ghazal
 ghalat-bayani pe uski yaqin dikhati rahi
ye jhijhak rah-e-vafā meñ, ye shikāyat-e-taġhāful
hameñ dhaḌkanoñ meñ paate agar e'tibār karte
Ghazal
 jo parind KHwahishon ke kabhi hum shikar karte
vo tuul khīñchā balā kā tire taġhāful ne
ki sabr aa hī gayā mere muztarib dil ko
Ghazal
 juda karenge na hum dil se hasrat-e-dil ko
zindagī tere taġhāful kī bhī had hai koī
is qadar naaz na kar zohra-jamāloñ kī tarah
Ghazal
 nur-afshan hai wo zulmat mein ujalon ki tarah
Top Urdushayar.com