Tags-Taghaful

paas rah kar bhī hamesha vo bahut duur milā
us kā andāz-e-taġhāful thā ḳhudāoñ jaisā

us ke taġhāful kā bhī bharam rakh us se itnī chheḌ na kar
'ramz' barastī hai be-mausam koī ghaTā bhī kitnī der

janāb-e-shāh taġhāful to kyā dil-e-bekas
isī sazā kā sazā-vār hai agar hai bhī

vo taġhāful ko ilāj-e-ġham-e-pinhāñ samjhā
chāra-gar bhī na mire dard kā darmāñ samjhā

hijr ke sadme us kā taġhāful bāteñ haiñ sab kahne kī
kuchh bhī na mujh ko yaad rahegā jab vo gale lag jā.egā

taġhāful ko na itnā kaam meñ lā
guzar jā.egī ye shab kuchh samajh le

agar na zohra-jabīnoñ ko be-vafā kahiye
to phir taġhāful-e-paiham pe un ko kyā kahiye

phir us se us ke taġhāful kā kyā gila karnā
ki 'iftiḳhār-muġhal' vo to thī hī parchhā.īñ

mere mahbūb mujhe vaqf-e-taġhāful na samajh
ziist ke laakh taqāze haiñ terā pyaar bhī hai

tire sulūk-e-taġhāful se ho ke saudā.ī
chalā huuñ maiñ to kuchh aage chalī hai rusvā.ī

maiñ dil ko us kī taġhāful-sarā se le aayā
aur apne ḳhāna-e-vahshat meñ zer-e-dām rakhā

mere lab tak tire taġhāful kī
baat aa.ī magar kahī to nahīñ

gulgūñ qabā na maar taġhāful kī teġh suuñ
hai qatl āshiqāñ kā tirī yak adā ke haath

tavajjoh phir tavajjoh hai magar ham tere dīvāne
taġhāful ko bhī ik andāz-e-rānān.ī samajhte haiñ

rakhte haiñ mohabbat ko taġhāful meñ chhupā kar
parvā hī to karte haiñ jo parvā nahīñ karte

bahut dinoñ meñ taġhāful ne tere paidā kī
vo ik nigah ki ba-zāhir nigāh se kam hai

kareñ mashq-e-taġhāful yā jafā.eñ aap farmā.eñ
yahāñ taslīm kī ḳhū se karam yuuñ bhī hai aur yuuñ bhī

use ek betābī-e-shauq samjho
taġhāful kā shikva shikāyat nahīñ hai

ab khulā hai ki tirā husn-e-taġhāful thā karam
garche kuchh der tabī.at mirī ghabrā.ī bhī