Tags-Taghaful

phir dekhnā nigāh laḌī kis se ishq kī
gar husn ne hijāb-e-taġhāful uThā diyā

kuchh shorisheñ taġhāful-e-pinhāñ meñ thiiñ jinheñ
hañgāma-zār-e-hashr-e-tamannā banā diyā

taġhāful aur baḌhā us ġhazāl-e-ra.anā kā
fusūn-e-ġham ne bhī jaadū jagā.e haiñ kyā kyā

ḳhud un ke taġhāful kī ināyat se kisī din
un ko mirī hālat kī ḳhabar ho ke rahegī

terā andāz-e-taġhāful hai junūñ meñ aaj kal
chaak kar letā huuñ dāman aur ḳhabar hotī nahīñ

ġhamza nigah taġhāful añkhiyāñ siyāh o chanchal
yā rab nazar na laage andāz hai sarāpā

taġhāful milā hai usī raah par yuuñ
tavajjoh na diije ināyat hī diije

ik uchaTtī sī taġhāful kī nigāh
hīla-e-arz-e-mohabbat kyā hai

tum ko manzūr nahīñ apne taġhāful se gurez
ham pe ban aa.ī hai aisī ki banā.e na bane

marīz-e-mohabbat tirā jāñ-ba-lab hai
tajāhul sitam hai taġhāful ġhazab hai

haiñ yaad us nazar kī taġhāful-shi.āriyāñ
bā-vasf-e-irtibāt bhī the ajnabī se ham

taġhāful mat karo ai nau-bahār-e-gulshan-e-ḳhūbī
tumhāre bin nipaT be-āb hai dil kā chaman pyāre

kohsār-e-taġhāful ko sadā kaaT rahī hai
hairāñ huuñ ki patthar ko havā kaaT rahī hai

ḳhud-bīñ thā mizāj-e-husn magar dāmān-e-mohabbat chhū hī gayā
andāz-e-taġhāful kuchh bhī sahī kuchh un kī nazar farmā hī ga.ī

haañ tere taġhāful se pareshān haiñ ham bhī
ye tanz ke tevar to dikhāne ke liye haiñ

maiñ sirf us ko taġhāful kahūñ to kaise kahūñ
gayā to saath meñ har iltifāt le ke gayā

vo mashq-e-ḳhu-e-taġhāful phir ek baar rahe
bahut dinoñ mire mātam meñ sogvār rahe

hasīñ mausam ne nazreñ pher liiñ apne taġhāful par
hue raftār-e-duniyā ke sabab shām-o-sahar ġhā.eb

merī tahrīr-e-nadāmat kā na diije kuchh javāb
dekh liije aur taġhāful-āshnā ho jā.iye