Tags-Taghaful

jī meñ aatā hai ki us shoḳh-e-taġhāful-kesh se
ab na miliye phir kabhī aur bevafā ho jā.iye

merī tahrīr-e-nadāmat kā na diije kuchh javāb
dekh liije aur taġhāful-āshnā ho jā.iye

us kī jañg-e-be-sabab kā hai taġhāful hī ilaaj
aap Dhelā ho ke āvegā idhar Dhal Dhal ke Dhul

phir chashm-e-taġhāful se tirī hashr bapā hai
maiñ gardish-e-daurāñ kī nazar dekh rahī huuñ

haa.e andāz-e-taġhāful ki dam-e-zikr-e-vafā
yaad un ko bhī mirā naam nahīñ aatā hai

qasam na khaao taġhāful se baaz aane kī
ki dil meñ ab nahīñ tāqat satā.e jaane kī

had se na guzar jaa.e tirī tarz-e-taġhāful
furqat tirī ai jān-e-jahāñ maar na Daale

kam-nigāhī hor taġhāful mat kar ai māh-e-tamām
muk tirā kartā hai ġhamza kaam āshiq kā tamām

taġhāful-kesh maiñ ne hī banāyā
use hāl-e-dil-e-shaidā sunā kar

'matīn' un kā karam vāqa.ī karam hai to phir
ye be-ruḳhī ye taġhāful ye barhamī kyā hai

fasāñ hai saḳht-jānī merī teġh-e-nāz-e-qātil ko
ki yaañ jitnā hai rañj-e-naza.a utnā vaañ taġhāful hai

dil kuchh panap chalā thā taġhāful kī rasm se
phir tere iltifāt ne bīmār kar diyā

tire taġhāful-e-paiham ne kar diyā māyūs
mirā vo zauq-e-tamannā bhī aaj ḳhatm huā

garche hai tarz-e-taġhāful parda-dār-e-rāz-e-ishq
par ham aise kho.e jaate haiñ ki vo pā jaa.e hai

yahī asāsa the zindagī kā ye ḳhvāb hī the mirā sahārā
tire taġhāful ke sañg-rezo se kirchiyoñ meñ jo baT ga.e haiñ

taġhāful par vo do harf-e-shikāyat bhī qayāmat the
zamāne bhar ke ham par aa ga.e ilzām kyā kahiye

kaun kāfir tujhe ilzām-e-taġhāful degā
jo bhī kartā hai mohabbat se gilā kartā hai

fareb-e-ārzū khā.eñ to kyuuñ kar
taġhāful hai na begāna-vashī hai

dil gavārā nahīñ kartā hai shikast-e-ummīd
har taġhāful pe navāzish kā gumāñ hotā hai

taġhāful aap kā sheva sahī magar kuchh to
ḳhayāl-e-ḳhātir-e-ummīd-vār honā thā