Tags-Taghaful

itnā bhī taġhāful nahīñ achchhā kahīñ tum ko
karnī na paḌe shorish-e-pinhāñ kī shikāyat

aaj dānista taġhāful se huuñ haarā huā maiñ
kal talak umr kī sachchā.ī thī afsāna mujhe

vo taġhāful bhī na thā aur tavajjoh bhī na thī
kabhī Tokā na kabhī hausla-afzā.ī kī

jaate haiñ ham-safīr chaman ko par ek maiñ
yaañ kushta-e-taġhāful-e-sayyād rah gayā

vo kahīñ mujh se taġhāful kā sabab pūchh na le
shaan aaj us ne mujhe ġhaur se dekhā hai bahut

is shān-e-taġhāful par āḳhir jī chhūT gayā dil TuuT gayā
jab dil hī hamārā TuuT chukā phir aap ko mehmāñ kaun kare

tum taġhāful-shi.ār dil māyūs
aah kyā hausla kare koī

sach-much vo taġhāful se kināra hī na kar le
maiñ sochne baiThā to pasīna nikal aayā

yuuñ to na tasāhul na taġhāful na tajāhul
kuchh aur hai us kāfir-e-tannāz kā aalam

kis liye uzr-e-taġhāful kis liye ilzām-e-ishq
aaj charḳh-e-tafraqa-parvāz kī bāteñ karo

zindagī ham se to is darja taġhāful na barat
ham bhī shāmil the tire chāhne vāloñ meñ kabhī

taġhāful kī adā ho yā hukūmat kī adākārī
burā kis ko kahūñ mere liye sarkār haiñ donoñ

dil kī taraf nigāh-e-taġhāful rahā kare
is ḳhāk-e-rāh ko bhī koī kīmiyā kare

aur apne haq meñ ta.an-e-taġhāful ġhazab huā
ġhairoñ se multafit but-e-ḳhud-kām ho gayā

us ko andāz-e-taġhāful bhī na aayā ab tak
bhūlne hī ko sahī yaad to rakkhā jaatā

ye ina.am-e-taġhāf ai dil-e-himmat-shikan tauba
mujhe gum kar to yuuñ gum kar ki mahv-e-justujū kar de

qasam hī nahīñ hai faqat is kā sheva
taġhāful bhī hai ek andāz us kā

is taġhāful pe bhī allāh allāh
yaad aatā hai koī rah rah ke