Tags-Tamanna

azmat ke aa.ine meñ apnā.iyat kā paikar
taslīm kī tamannā hai tum se tū kī ḳhvāhish

abhī tak dil ke vīrāne meñ jaise
tamannā haath phailā.e khaḌī hai

sehn-e-dil meñ jo lagā.e the tamannā ke shajar
aisā lagtā hai vo imsāl bhī phalne ke nahīñ

hai sarḳhushī kī tamannā bahut mire dil meñ
vo is liye ki ye dil ek dukh-bharā dil hai

sahrā-e-tamannā meñ jis ke jiine kā javāz hī jhoñke hoñ
us ret ke zarroñ ne mil kar ik naam kiyā tahrīr to kyā

hamārī sham-e-tamannā bhī jal ke ḳhaak huī
hamāre sho.aloñ kā aalam chitāoñ jaisā hai

dil ba-zāhir hai subuk-dosh-e-tamannā 'maḳhmūr'
phir tabī.at meñ kahāñ kī ye girānī aa.ī

mire dil kī tamannā ban gayā hai
vo chehra merī chashm-e-tar meñ jā kar

koī to ārzū-e-farozāñ sambhāl rakh
haañ apne sar pe qarz-e-tamannā koī to ho

be-kār jāntā huuñ fusūn-e-umīd ko
nā-vāqif-e-fareb-e-tamannā nahīñ huuñ maiñ

rusvā ba-qadr-e-zauq-e-tamannā nahīñ huuñ maiñ
apne uruuj par abhī pahūñchā nahīñ huuñ maiñ

sunñe vāloñ ko dhaḌaktī huī tanhā.ī meñ
kaun dar aatā hai chupke se tamannā ban kar

bahut kaam lene the jis dil se ham ko
vo sarf-e-tamannā huā chāhtā hai

phir lagī rahne tasavvur meñ vo mizhgān-e-darāz
rag-e-jāñ meñ ḳhalish-e-ḳhār-e-tamannā hai vahī

ḳhudā ke liye haañ nahīñ kuchh to kah do
ki muñh tak rahī hai tamannā tumhārā

is arz-e-tamannā meñ kise chain milā hai
dil ne magar is ḳhauf se hijrat nahīñ kī hai

tamannā hai agar milne kī mujh se
mujhe mere hī andar dekh lenā

irāda hai na pahchāneñ use ham
tamannā ko ye zid bāhoñ meñ le leñ

āġhāz-e-tamannā ho ki anjām-e-tamannā
ilzām bahr-e-hāl hamāre hī sar aayā

vo tamannā huuñ ki dil se na guzar ho jis kā
vo tamāshā huuñ ki nazroñ se nihāñ rah jaa.e