Tags-Tamanna

tum na ghabrāo mujhe tum se koī kaam nahīñ
apnī ḳhvāhish hai mujhe apnī tamannā hai mujhe

husn vo chāhiye jo ishq kā ā.īna bane
ya.anī apne liye apnī hī tamannā hai mujhe

hai tamannā meñ ġhārat o rusvā
sher merā, kitābcha merā

na ye duniyā na vo uqbā mirī to ik tamannā hai
rahūñ qadmoñ tale tere tū hī merā kināra ho

to kyā huī vo tamannā kī daulat-e-bedār
ki saare shauq hī rasm-e-shabāna ho ga.e haiñ

talqīn kare arz-e-tamannā hameñ us se
mahram nahīñ hai us but-e-ḳhud-kām se vāqif

jis tarah kartā hai tū ḳhūn-e-tamannā merā
kyā kabhī maiñ ne bhī aise tujhe nāshād kiyā

koī to rāh-e-tamannā meñ ham-safar hotā
koī to kū-e-vafā meñ ḳhatā-shi.ār mile

ye bebasī to mire ahd kā muqaddar thī
diloñ ko dāġh-e-tamannā bhī musta.ār mile

tamām aurāq shabnamistān-e-sahar kī kirnoñ se jagmagā.e
tulūa hotī hai sub.h jaise kalī tamannā kī muskurā.e

marne kī duā.eñ kyuuñ māñgūñ jiine kī tamannā kaun kare
ye duniyā ho yā vo duniyā ab ḳhvāhish-e-duniyā kaun kare

jab kashtī sābit-o-sālim thī sāhil kī tamannā kis ko thī
ab aisī shikasta kashtī par sāhil kī tamannā kaun kare

ye kis kī hai tamannā chuTkiyāñ letī hai jo dil meñ
ye kis kī aarzū hai jo kaleje ko masaltī hai

musāfirān-e-gumāñ raheñ kyuuñ kamar-ḳhamīda
chalo ye pushtāra-e-tamannā utārte haiñ

dil meñ bhī baste haiñ armān-o-tamanna kī tarah
nuur ban kar merī nazroñ meñ samāne vaale

mil gayā thā sakūñ nigāhoñ ko
kī tamannā to ashk bhar aa.e

piitā rahā kyā umr bhar pī kar tamannā kā lahū
kuchh din se merī āstīñ kuchh zer-e-lab kahtī to hai

vo ik savāl-e-tamannā jo baar baar huā
us ik savāl kā koī javāb hai ki nahīñ

vo rañj-e-rāh-e-tamannā meñ yād-e-yār-e-azīz
vo duur bajte hue se rabāb-e-anjumanī