Tags-Tanhai

merī tanhā.ī kī pagDanDī par
mere ham-rāh ḳhudā rahtā hai

barsoñ rahā huuñ kāsa-e-tanhā.ī ho ke maiñ
ik din huzūr-e-yār mujhe bhiik meñ milā

gungunā uThtā hai tanhā.ī kā kañgan raahī
jāgtī hai jūñhī yādoñ kī dulhan raat Dhale

khiḌkī khiḌkī sannāTā hai chilman chilman tanhā.ī
chāhat kī mahfil meñ ab ham naqd-e-dil-o-jāñ laa.eñ kyuuñ

ziist safar hai tanhā.ī kā
aanā tanhā jaanā tanhā

maiñ to har mumkin use laatā rahā tere qarīb
kyā karūñ ai dil tirī taqdīr meñ tanhā.ī thī

chalo yahāñ se apnī apnī shāḳhoñ pe lauT aa.e parinde
bhūlī-bisrī yādoñ ko phir tanhā.ī dohrāne ko hai

ābādī kā shor-sharāba chhoḌ ke DhūñDo koī ḳharāba
tanhā.ī phir sham.a jalā kar koī harf sunāne ko hai

sat.h-e-chādar pe shikan aur sar-e-bālīñ pe nasheb
ye to tanhā.ī hai bistar pe mire sotī hai

ise tanhā.ī meñ jab yaad aa.ī apne sājan kī
ġhamoñ ke saa.e meñ guzrī thī kal kī raat birhan kī

maiñ band kamre meñ tanhā.ī se jalā huuñ miyāñ
saḌak pe āye.gā us jism kā dhuāñ kab tak

ret hai sūraj hai vus.at hai tanhā.ī
lekin naañ is dil kī ḳhām-ḳhayālī jaa.e

ye samt samt taḳhātub ufuq ufuq taqrīr
tirā kalām hai merā rafīq-e-tanhā.ī

phail kar phir shab-e-tārīk huī bahr-e-siyāh
qatra qatra lab-e-tanhā.ī se Tapke ehsās

tanhā.ī ke sahrāoñ meñ
chalte chalte

kitnā ābād mire saath thā sāyoñ kā hujūm
kaise tanhā.ī ke sahrā the jo shādāb bhī the

ajab mahfil hai sab ik dūsre par hañs rahe haiñ
ajab tanhā.ī hai ḳhalvat kī ḳhalvat ro rahī hai

tū hai aur aish hai aur anjuman-ārā.ī hai
maiñ huuñ aur ranj hai aur gosha-e-tanhā.ī hai

ye zikr hai us tavīl maazī kā maiñ akelā thā is bharī kā.enāt meñ jab
faqat mirī jāñ-gudāz tanhā.ī saaya ban kar thī saath mere

maiñ mahfil-bāz ghabrā kar huā tanhā.ī vaalā
ki sab se khul ke milnā kaam hai rusvā.ī vaalā