Tags-Tasawwur

terī furqat meñ tasavvur hai ye bedardī kā
ḳhvāb ham jānte haiñ niiñd ke aa jaane ko

ham ki sāhil ke tasavvur se sahm jaate haiñ
log kis tarah samundar meñ utarte hoñge

likhā tumhīñ ne mirī chashm-e-nam ko qulzum-e-ḳhvāb
tum hī ne us ke tasavvur ko bādbāñ likkhā

kaam kartā hai tasavvur kaam aatī hai nazar
be-sabab hotī nahīñ hai jalva-ārā.ī kī baat

bichhaḌ kar us se sīkhā hai tasavvur ko badan karnā
akele meñ use chhūnā akele meñ suḳhan karnā

jab bhī pardes meñ yaad aatā hai ghar kā naqsha
maiñ tasavvur meñ dar-o-bām pahan letā huuñ

ham band kiye aañkh tasavvur meñ paḌe haiñ
aise meñ koī chham se jo aa jaa.e to kyā ho

mujhe din raat rahtī hai tumhārī justujū ab bhī
tasavvur meñ kiyā kartā huuñ tum se guftugū ab bhī

merī mahdūd basārat kā natīja niklā
āsmāñ mere tasavvur se bhī halkā niklā

ai shauq-e-nazāra kyā kahiye nazroñ meñ koī sūrat hī nahīñ
ai zauq-e-tasavvur kyā kiije ham sūrat-e-jānāñ bhuul ga.e

yaad aayā jo vo kahnā ki nahīñ vaah ġhalat
kī tasavvur ne ba-sahrā-e-havas raah ġhalat

tasavvur meñ jamāl-e-rū-e-tābāñ le ke chaltā huuñ
añdherī raah meñ sham-e-farozāñ le ke chaltā huuñ

kab tasavvur yār-e-gul-ruḳhsār kā fe.al-e-abas
ishq hai is gulshan-o-gulzār kā fe.al-e-abas

āġhosh-e-tasavvur meñ jab maiñ ne use maskā
lab-hā-e-mubārak se ik shor thā ''bas bas'' kā

ulajh ga.e kabhī sañgīñ haqīqatoñ se 'jamīl'
kabhī kisī ke tasavvur se ho ga.e haiñ malūl

saath tere zindagī kā vo tasavvur meñ safar
jaise phūloñ par qadam rakhtā chalā jaatā huuñ maiñ

shām-e-ġham kyā kyā tasavvur kī haiñ chīra-dastiyāñ
haañ tumheñ bhī tum se bin pūchhe uThā laatā huuñ maiñ

tasavvur meñ tire ai maz.har-e-rab
tamāshā-e-dar-o-dīvār karnāñ

ḳhvāb ko haqīqat kā ruup koī kyā detā
mun.akis tasavvur kā in.ikās ham hī the

1
shaam phir tere tasavvur se