Tags-Tasawwur

kab tasavvur meñ tire dīda-e-tar band kiyā
ḳhāna-e-ā.ina meñ tujh ko nazar-band kiyā

haq-parastī ke tasavvur se hamesha ḳhush the
kufr aur shirk se bezār gurū-nānak the

dil pe jab terā tasavvur chhā gayā
zindagī kā aa.ina dhuñdlā gayā

zindagī tere tasavvur se hī mashrūt nahīñ
terī yādoñ se halākat bhī to ho saktī hai

dhyān meñ laa.e tasavvur meñ basāyā dekhā
itnā hī ajnabī paayā use jitnā dekhā

isī darmiyāñ tasavvur tirā baar baar aayā
isī rāste pe jānāñ

ishq kī pābandiyāñ bekār ho kar rah ga.iiñ
ham tasavvur meñ kisī ke hoñT chhū kar aa ga.e

be-ḳhizāñ hai tasavvur-e-hastī
maiñ abhī ālam-e-bahār meñ huuñ

chalā hai chhoḌ ke tanhā kidhar tasavvur-e-yār
shab-e-firāq meñ thā tujh se mashġhala dil kā

tire tasavvur kī dhuup oḌhe khaḌā huuñ chhat par
mire liye sardiyoñ kā mausam zarā alag hai

muqaddar ko badal deñ vo zamāne ko ḳhafā kar deñ
magar apne tasavvur ko mirā ġham-ḳhvār rahne deñ

kabhī to zehn ke parde pe naqsh ubhregā
ye sochtā huuñ tasavvur meñ rañg bharte hue

yaad meñ ḳhvāb meñ tasavvur meñ
aa ki aane ke haiñ hazār tarīq

chalā hai chhoḌ ke tanhā kidhar tasavvur-e-yār
shab-e-firāq meñ thā tujh se mashġhala dil kā

phir tasavvur khā rihā hai pech-o-tāb
phir vahī haijān-o-harkat karb-o-dard-o-isztirāb

har ghaḌī terā tasavvur har nafas terā ḳhayāl
is tarah to aur bhī terī kamī baḌh jā.egī

chup-chāp tasavvur meñ chale aate kisī roz
sochoñ pe merī jaañ koī pahra to nahīñ thā

shab-e-tanhā.ī meñ so rahte haiñ mushtāq tire
ba-tasavvur tujhe har baar baġhal meñ le kar

vo tasavvur meñ ik ghaḌī aa.eñ
der tak dil bahār rahtā hai

tā-manzil-e-jānāñ saath rahā kam-baḳht tasavvur ġhairoñ kā
shauq apne qadam khīñchā hī kiyā palTā hī kiye har gaam se ham