Tags-Tasawwur

do ghaḌī dil ke bahalne kā sahārā bhī gayā
lījiye aaj tasavvur meñ bhī tanhā.ī hai

āsmāñ se aamad thī gum-shuda ḳhayāloñ kī
jis qadar tasavvur thā itnī shādmānī thī

aa jaa.e tasavvur meñ koī hashr-ba-dāmāñ
phir merī shab-e-ġham ko zarūrat hai sahar kī

vo ban kar sañvar kar akele meñ aksar 'shakīl' ik qayāmat jagātī to hogī
tasavvur meñ mujh ko qarīb apne pā kar vo shīshe se nazreñ churātī to hogī

mujhe pā ke bazm-e-tasavvur meñ tanhā vo palkoñ kī chilman girātī to hogī
baḌe pyaar se phir bahut hī lagan se vo ḳhvāboñ kī duniyā sajātī to hogī

hasīñ chāñdnī ho yā sāvan kī rut ho kasak us ke dil meñ jagātī to hogī
kisī ke tasavvur ko pahlū meñ pā kar vo sharmā ke ḳhud kasmasātī to hogī

hijr meñ tere tasavvur kā sahārā hai bahut
raat añdherī hī sahī phir bhī ujālā hai bahut

un kī mahfil se tasavvur kā ta.alluq hai hameñ
aañkh kar lete haiñ jab band vahīñ hote haiñ

khul nahīñ saktī haiñ ab āñkheñ mirī
jī meñ ye kis kā tasavvur aa gayā

un ke aane ke tasavvur meñ yahī kahtā huuñ
ai shab-e-va.ada na ho sub.h vo karte haiñ banāv

us kā chehra thā qamar thā ki tasavvur merā
kal munDerī pe koī jalva-numā thā kyā thā

ḳhalvat meñ hī tasavvur-e-jānāñ nadīm hai
tālib jalīs ke haiñ na ḳhvāhāñ aniis ke

aaj to ḳhush huuñ bahut ḳhush huuñ bahut hī ḳhush huuñ
is tasavvur meñ maiñ kaañp uThtā huuñ kal kyā hogā

ab koī ḳhvāb na āñkhoñ meñ tasavvur hai 'bashar'
varna āñkhoñ meñ mirī niiñd kahāñ rahtī thī

yaad meñ ḳhvāb meñ tasavvur meñ
aa ki aane ke haiñ hazār tarīq

kamāl hai ye tasavvur kī mashq-e-paiham kā
tire hijāb kī tasvīr bhī utar aa.ī

tasavvur meñ visāl-e-yār ke sāmān hote haiñ
hameñ bhī yaad haiñ hasrat kī bazm-ārā.iyāñ kyā kyā

visāl-e-dā.imī kā hai tasavvur
bahār-e-be-ḳhizāñ hai aur maiñ huuñ

gudgudātī hai tasavvur ko tire ruup kī dhuup
mere jazbāt kī shahnā.ī ġhazal gaatī hai

maiñ jin kā dil meñ tasavvur sajā.e rakhtā huuñ
koī to raah mile un tak aane jaane kī