Tags-Tasawwur

mire nā-rasā tasavvur ne surāġh pā liyā hai
maiñ patā lagā chukā huuñ tū kahāñ kahāñ chhupā hai

tumhāre dil meñ aur merā tasavvur ho nahīñ saktā
tumhāre dil meñ koī dūsrā mālūm hotā hai

tasavvur se nazāre tak faroġh-e-sehr-e-hairat hai
haqīqat bhī fasāna hai fasāna bhī haqīqat hai

hai mere zehn meñ jis kā tasavvur
use pariyoñ kī raanī likh rahā huuñ

tum is nazm ko
apnī kamar par ḳhushk ghaḌā tasavvur karo

hijr meñ tere tasavvur ke maze kyā kahne
har koī diid kā ḳhvāhāñ ho zarūrī to nahīñ

dil ke darvāze pe jab bhī yaad kī dastak huī
maiñ tasavvur meñ jigar apnā rafū kartī rahī

hai tasavvur meñ ik ruḳh-e-raushan
aur lab par darūd jaarī hai

bahut raushan ham apnā nayyar-e-taqdīr dekheñge
jab āġhosh-e-tasavvur meñ tirī tasvīr dekheñge

ḳhayāl ke phuul khil rahe haiñ bahār ke giit gā rahā huuñ
tire tasavvur kī sarzamīñ par na.e gulistāñ khilā rahā huuñ

shukr hai tārīk dil meñ raushnī ke vāste
go tasavvur meñ sahī us kā jamāl aatā rahā

hazār chaukas rahīñ kaḌī tīrgī ke daa.ī
mire tasavvur meñ ek rauzan khulā rahegā

allāh rakhe mire tasavvur ko salāmat
tujh ko to nahīñ hai shab-e-hijrāñ kī shikāyat

hairāñ hue na the jo tasavvur meñ bhī kabhī
tasvīr ho ga.e mirī tasvīr dekh kar

qafas kī lohe kī tīliyāñ ab unhīñ kī zarboñ se ḳhūñ-chakāñ haiñ
yahī jo the muntashir se tinke tasavvur-e-āshiyāñ se pahle

hai aks-e-ā.īna dil meñ kisī bilqīs-e-sānī kā
tasavvur hai mirā ustād bahzād aur maanī kā

qafas meñ to mujhe jab tak bhī rahnā ho magar yārab
tasavvur meñ mire jaltā rahegā āshiyāñ kab tak

jab aanā ḳhvāb meñ haule se narmī se qadam rakhnā
garāñ hai ik zarā aahaT tire mahv-e-tasavvur ko

tasavvur us sanam kā hai hameñ ka.abe se kyā matlab
charāġh apnā hai dāġh-e-dil hai jo mandir meñ jaltā hai

āzādi-e-kāmil ke tasavvur meñ hai insāñ
apne hī ḳhayāloñ meñ giraftār abhī tak