Tags-Tasawwur

tasavvur se lab-e-la.alīñ ke tere ham agar ro deñ
to jo laḳht-e-jigar āñkhoñ se nikle ik raqam nikle

haiñ kahāñ aah vo hūrān-e-tasavvur jin se
dil thā ġhairat-dah-e-gulzār-e-jināñ aaj kī raat

tasavvur kī hadoñ se duur jā kar kaise dekheñge
agar tum se ta.alluq ġhā.ebāna bhī nahīñ hogā

dhuñdlā diyā ziist kā tasavvur
apnī āñkhoñ hī kī namī ne

shaam mahke tire tasavvur se
shaam ke ba.ad phir sahar mahke

jahāñ par aql ruk jaatī hai aksar
tasavvur meñ vahāñ tak jā chukī huuñ

phailā ke tasavvur ke asar ko maiñ ne
mash.hūr kiyā sa.ī-e-nazar ko maiñ ne

duniyā-e-tasavvur ham ābād nahīñ karte
yaad aate ho tum ḳhud hī ham yaad nahīñ karte

haa.e ye husn-e-tasavvur kā fareb-e-rañg-o-bū
maiñ ye samjhā jaise vo jān-e-bahār aa hī gayā

mo.ajiza dekhā tasavvur kā to āñkheñ khul ga.iiñ
pā rahā huuñ aaj maiñ jalvat meñ ḳhalvat kā asar

tasavvur meñ koī aayā sukūn-e-qalb-o-jāñ ho kar
mohabbat muskurātī hai bahār-e-jāvedāñ ho kar

jab āsmān zamīñ par utarne lagtā hai
to zindagī kā tasavvur bikharne lagtā hai

sar-e-lauh-e-tasavvur kaise kaise
adhūre naqsh paikar ban ga.e haiñ

tasavvur se bhī dekhiye kyuuñ kamar ko
hijāb aate haiñ darmiyāñ kaise kaise

baiThe haiñ shab-o-roz tasavvur meñ usī ke
vo rāhguzar jis se guzarnā bhī nahīñ hai

tasavvur-āfrīñ vo shāh-pāre yaad aate haiñ
nahīñ ho tum magar vo chāñd taare yaad aate haiñ

na us ke lams kī garmī na us ke qurb kī aañch
tasavvur us kā thā aisā ki bas pighalte rahe

do ghaḌī dil ke bahlāne kā sahārā bhī gayā
lījiye aaj tasavvur meñ bhī tanhā.ī hai

nazar rakh kar qanā.at kar rahā huuñ maiñ tasavvur par
ye jalve chāhte haiñ aur kyā qurbāniyāñ mujh se

jis din se bañdhā hai dhyān tirā ghabrā.e hue se rahte haiñ
har vaqt tasavvur kar kar ke sharmā.e hue se rahte haiñ