Tags-Tasawwur

na mehr o mah par mirī nazar hai na lāla-o-gul kī kuchh ḳhabar hai
faroġh-e-dil ke liye hai kaafī tasavvur us rū-e-ātishīñ kā

shām-e-hañgām to ham hai
tasavvur ke khaToloñ pe sajī

mire lahū kī zarūrat hai tere hāthoñ ko
isī tasavvur-e-rañgīñ se jī rahā huuñ maiñ

tere dāñtoñ ke tasavvur se na thā gar āb-dār
jo bahā aañsū vo durr-e-be-bahā kyūñkar huā

kuchh der sādgī ke tasavvur se haT ke dekh
likkhā huā varaq huuñ mujhe phir ulaT ke dekh

ye ahl-e-fikr se kah do ki vus.at-e-imkāñ
abhī bhī pā-e-tasavvur kā naqsh-e-pā hai bas

tasavvur meñ to gungunātī nadī thī
samundar meñ kaise ye sarkār utre

ik tasavvur tirā zehn meñ ham liye
shāh-rāh-e-jahāñ se guzarte rahe

tasvīr tasavvur hī bas ek sahārā hai
furqat ne banā Daalā us kī mujhe saudā.ī

mumkin hai mire lauT ke aane kā tasavvur
ik baar mujhe dil se pukāre use kahnā

khīñchī hai tasavvur meñ tasvīr-e-ham-āġhoshī
ab hosh na aane de mujh ko mirī be-hoshī

lab o dandāñ ke tasavvur meñ jo royā maiñ kabhī
ashk do-chār bahe surḳh to do-chār safed

āġhosh-e-tasavvur meñ sau baar go aate haiñ
lekin na qarīb aa.e vo jān-e-hayā barsoñ

tere hāthoñ kī vo mehñdī vo tirā surḳh libās
is tasavvur se bhī dil hai mirā larzāñ jānāñ

dil hī nahīñ hai us ke tasavvur meñ shād-kām
ik sarḳhushī meñ jhūmtā hai añg añg bhī

josh-e-ashk o tasavvur-e-qad-e-yār
sarv goyā khaḌā lab-e-jū hai

tasavvur ko tire jalva-fagan kahnā hī paḌtā hai
hameñ tanhā.ī ko bhī anjuman kahnā hī paḌtā hai

koī to shaḳhs ho jī-jān se chāheñ jis ko
koī to jān-e-tasavvur ho ki jis ke ho leñ

Thahar jā zarā aur ai dard-e-furqat
hamāre tasavvur meñ vo aa rahe haiñ