Tags-Tasawwur

shaam se un ke tasavvur kā nasha thā itnā
niiñd aa.ī hai to āñkhoñ ne burā maanā hai

ye vīrānī tasavvur kī vo rañgīnī ḳhayāloñ kī
kabhī mahfil meñ ḳhalvat hai kabhī ḳhalvat meñ mahfil hai

thī vo ik shaḳhs ke tasavvur se
ab vo rānā.ī-e-ḳhayāl kahāñ

vo chehra ek tasavvur bhī hai haqīqat bhī
darīcha band bhī hotā hai vā bhī hotā hai

kis ne tanhā.ī kī ik umr gavārā kar lī
zindagī tere tasavvur meñ miTā dī kis ne

rahne nahīñ detā mujhe tanhā vo tasavvur
zinda hai mire dil meñ tirī zaat abhī tak

ik ḳhvāb laḌakpan meñ jo dekhā thā vo tum the
paikar jo tasavvur meñ ubhartā thā vo tum the

dekhiye to apne vahshī kī tasavvur meñ ḳhushī
ghar meñ tanhā hai magar jaise bharī mahfil meñ hai

rahtī hai sirf us se tasavvur meñ guftugū
ārām-gāh-e-rūh meñ jis kā maqām hai

mo.atakif garche ba-zāhir huuñ tasavvur meñ magar
kū-ba-kū saath ye be-pīr liye phirte haiñ

jo dil se lipTā hai saañp ban kar Darā rahā hai bachā rahā hai
ye saarī raunaq us ik tasavvur ke dam se hī to lagī huī hai

ek ham haiñ ki tasavvur ki tarah saath rahe
ek tū hai ki jo ḳhalvat meñ bhī tanhā na huā

ye tirā husn-e-tasavvur tere kāshāne meñ hai
tū na ābādī meñ hai ġhāfil na vīrāne meñ hai

kab tire kūche se kar jaanā hai kuuch
is tasavvur se hī ghabrātā sā maiñ

jo mere tasavvur meñ thā hañgāma-e-mahshar
us ke liye maḳhsūs huī vasl kī hī raat

un ke dur-e-dandāñ ke tasavvur meñ shab-e-hijr
har ashk dam-e-girya hai durdāna kisī kā

milā vo zor-e-tasavvur subuk-irāda hue
musībat aane se pahle hī Dar ga.e ham bhī

tasavvur meñ vo kuchh barham se haiñ kuchh mehrbāñ se haiñ
unheñ shāyad sunā.ī jā rahī hai dāstāñ merī

jo bahut duur thā aaj bāhoñ meñ hai
jo tasavvur meñ thā vo nigāhoñ meñ hai

zulm ke haath pe bai.at kā tasavvur ho to maiñ
sabr aur jur.at-e-inkār se pahchānā jā.ūñ