Tags-Tasawwur

phir nazar meñ bahār raqsāñ hai
phir tasavvur pe chhā gayā koī

sail ke ġhaiz se larzāñ hai tasavvur kā badan
bahte paanī ke takallum se gumāñ ho ki na ho

ai shauq-e-nazāra kyā kahiye nazroñ meñ koī sūrat hī nahīñ
ai zauq-e-tasavvur kyā kiije ham sūrat-e-jānāñ bhuul ga.e

tasavvur
shoḳhiyāñ muztar-nigāh-e-dīda-e-sarshār meñ

utnī hī rañgīn hotī jā.egī apnī nazar
jis qadar tere tasavvur ko sañvāre jā.eñge

tasavvur meñ kiyā karte haiñ jo ham
vo tasvīr-e-ḳhayāl-e-yār se pūchh

nikhrā nikhrā sā hai har sher ġhazal kā merī
soch meñ jab se tasavvur vo hasīñ aa gayā hai

ab tasavvur meñ kahāñ shakl-e-tamannā 'vahshat'
jis ko muddat se na dekhā ho vo kyā yaad rahe

raat bhar un kā tasavvur dil ko taḌpātā rahā
ek naqsha sāmne aatā rahā jaatā rahā

rātoñ ko tasavvur hai un kā aur chupke chupke ronā hai
ai sub.h ke taare tū hī batā anjām mirā kyā honā hai

jo mahfil meñ pahchāntā tak na thā
tasavvur meñ baiThā hai aayā huā

batā rahe haiñ falak ko dushman vo muntaqim hai kare jo chāhe
uThe hue haiñ jo haath apne tasavvur us ko duā na karnā

dam-e-girya kis kā tasavvur hai dil meñ
ki ashk ashk dariyā huā chāhtā hai

ḳhayāl-o-ḳhvāb ke mausam badalne vaale haiñ
hujūm vahm-o-tasavvur meñ hai gumān-zada

phir lagī rahne tasavvur meñ vo mizhgān-e-darāz
rag-e-jāñ meñ ḳhalish-e-ḳhār-e-tamannā hai vahī

tasavvur ke laboñ se chuum lūñgā
tirī yādoñ ke patthar dekh lenā

har samt thā ik talḳh haqā.eq kā samundar
dekhā jo tasavvur ke jazīroñ se nikal kar

thī tasavvur meñ nihāñ-ḳhāna-e-dil kī tasvīr
rāt-bhar dīda-e-bedār ne sone na diyā

tasavvur hai na kaam apnā sivā murshid kī nisbat ke
tujhe hai in dinoñ ai dil shah-e-karrār se matlab

shab-e-firāq ye ehsān hai tasavvur kā
ki so rahā huuñ lagā kar kisī ko siine se