English
Favourite
Favourite
UrduShayarUrduShayar
Expand menu
Sign inAccount

Tags-Tasawwur

judā.iyoñ ke tasavvur hī se rulā.ūñ use
maiñ jhūT-mūT kā qissa koī sunā.ūñ use
Ghazal
 judaiyon ke tasawwur hi se rulaun use
tasavvur chashm-e-ḳhūbāñ kā muqarrar tum ko rahtā hai
vagarna hazrat-e-dil itnī bīmārī kā kyā baa.is
Ghazal
 tere bimar ki shayad wida-e-jaan hai tan se
tasavvur se kisī ke maiñ ne kī hai guftugū barsoñ
rahī hai ek tasvīr-e-ḳhyālī rū-ba-rū barsoñ
Ghazal
 tasawwur se kisi ke maine ki hai guftugu barson
tasavvur meñ tirī tasvīr maiñ jab bhī banātā huuñ
mujhe har baar rañgoñ kī kamī mahsūs hotī hai
Ghazal
 dayar-e-zat mein jab KHamushi mahsus hoti hai
abhī tak to tirī yādeñ mirī mīrās thiiñ lekin
tasavvur meñ kahāñ se ik nayā chehra nikal aayā
Ghazal
 paraya lag raha tha jo wahi apna nikal aaya
josh-e-junūñ meñ lutf-e-tasavvur na pūchhiye
phirte haiñ saath saath unheñ ham liye hue
Ghazal
 uTTha hai abr josh ka aalam liye hue
jalva-e-husn-e-azal aa.e tasavvur meñ agar
gosha-e-dil meñ machalte hue armāñ hoñge
Nazm
 muraqqa-e-ibrat
chehre jo kabhī ham ko dikhā.ī nahīñ deñge
aa aa ke tasavvur meñ na taḌpā.eñ to so.eñ
Ghazal
 kuchh log KHayalon se chale jaen to soen
baiThe ho 'azīz' apne aise ahbāb kī rañgīñ mahfil meñ
tauba ke tasavvur se pahle īmāñ ke ḳhalal kī baat karo
Ghazal
 kuchh rup-nagar ka zikr karo kuchh rang-mahal ki baat karo
tasavvur pyaar kā jo hai purānā karne vaalā huuñ
maiñ apnī āp-bītī ko fasāna karne vaalā huuñ
Ghazal
 tasawwur pyar ka jo hai purana karne wala hun
usī sanam ke ruḳh o zulf ke tasavvur meñ
hamārī guzre hai lail-o-nahār nām-e-ḳhudā
Ghazal
 na Toko dosto uski bahaar nam-e-KHuda
mujh kuuñ ā.īna-e-tasavvur hai
dilbar-e-gul-ezār kī sūrat
Ghazal
 jab sin dekha hun yar ki surat
tasavvur meñ bal paḌ ga.e abrūoñ par
ye kis bevafā se ḳhafā ho ga.e ham
Ghazal
 tujhe pa ke tujhse juda ho gae hum
tumhārī mast āñkhoñ kā tasavvur
mirī tauba se Takrāne lagā hai
Sher
 tumhaari mast aankhon ka tasawwur
aa.e terā jo tasavvur bhī to bahr-e-tāzīm
kyā ajab pā-e-nigah se ho khaḌī merī aañkh
Ghazal
 tegh-e-uryan pe tumhaari jo paDi meri aankh
tasavvur gul-ruḳhoñ kā 'āsmāñ' kyuuñ
gale kā ho gayā hai he alif re
Ghazal
 dukhata hai mera dil be alif re
kyā tasavvur hī se uTh jaate haiñ parde dil ke
dil bhī kyā naam hai un ke kisī kāshāne kā
Ghazal
 dar khula subh ko pau phaTte hi mai-KHane ka
tasavvur us ruḳh-e-sāfī kā rakh madd-e-nazar nādāñ
lagā.e muñh jo ā.īne ko ā.īna usī kā hai
Ghazal
 ye dil-jami jiye jab tak jiye jina usi ka hai
kis shoḳh nigāh kā tasavvur
ruḳhsāroñ pe rañg mal gayā hai
Ghazal
 un ka wada badal gaya hai
duur āñkhoñ se bahut duur, kahīñ
ik tasavvur hai, jo be-zār kiye rakhtā hai
Nazm
 ummid uljhan
Top Urdushayar.com