Tags-Aagahi

paḌā huuñ yaḳh-zada sahrā-e-āgahī meñ hunūz
mire vajūd meñ thoḌī sī dhuup bhar jaanā

murdoñ kī zindagī ke liye kyā duā kareñ
is past āgahī ke liye kyā duā kareñ

in ilm-o-āgahī kī kitāboñ meñ kuchh nahīñ
kyā DhūñDhtā hai yaar nisāboñ meñ kuchh nahīñ

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

dil-rubā dil-lagī hai mere saath
is liye āgahī hai mere saath

pahā.diyāñ huī irfān-e-āgahī se bahār
jo mo.atakif huiiñ andhī guphāoñ meñ āñkheñ

ḳhudā kī maar ho is jehl-e-āgahī pe 'hafīz'
ba-zo.am-e-ḳhud yahāñ har shaḳhs ik payambar hai

sitam jhele haiñ itne āgahī ke
ajab hālat hamārī ho ga.ī hai

zindagī ne kaise rāzoñ kī piTārī khol dī
āgahī kā har tayaqqun gumrahī bantā gayā

koh ke siine se āb-e-ātashīñ laatā koī
is navā-e-āgahī ko Duub kar gaatā koī

ḳhud-fareboñ ko payām-e-āgahī
mubtalā haiñ sa.i-e-lā-hāsil meñ ham

vā rakh sadā darīcha-e-ḳhud-āgahī ki tū
achchhe to kyā buroñ ko parakhnā na bhuul jaa.e

kaise apnī giraft meñ aa.e
āgahī ik basīt dariyā hai

kis liye 'ramz' itnī ūñchī tum ne kar rakkhī haiñ dīvāreñ hunar kī
dekho apne sāthiyoñ ko rauzan-e-ḳhud-āgahī se sar nikālo

ham kis shumār meñ the pursish jo ham se hotī
ye imtiyāz paayā āshob-e-āgahī meñ

idrāk ke ye dukh ye azaab āgahī ke dost!
kis se kaheñ ḳhatā nigah-e-ḳhud-nigar kī hai

maut bhī zindagī kā ik ruḳh hai
is ko me.ār-e-āgahī kahiye

pī lo 'amīr' ab mai-e-irfān-o-āgahī
kyuuñ jaal meñ phañse ho majāzī ḳhudāoñ ke

log marte haiñ band āñkhoñ se
ham ko is āgahī ne maarā hai