Tags-Aagahi

vo daur jis meñ āgahī ke dar khule the kyā huā
zavāl thā to umr-bhar zavāl kyuuñ nahīñ rahā

junūñ ke kaif-o-kam se āgahī tujh ko nahīñ nāseh
guzartī hai jo dīvānoñ pe dīvāne samajhte haiñ

shu.ūr-o-āgahī kaisī koī vahshī koī sarkash
ye kaisā desh hai jis meñ koī insāñ nahīñ lagtā

ḳhud-farebī hai ki is ko āgahī kā naam duuñ
apnī qāmat nāptā hai aaj vo shamshīr se

jismoñ meñ kholtā hī rahā āgahī kā ḳhuun
tapte hue ḳhayāl meñ lahje bhī jal ga.e

vo jis kā saath chhoḌ chukā nāz-e-āgahī
ab bhī talāsh-e-rah meñ vahī rāhzan sā hai

jahl-e-vā.iz kā is ko raas aa.e
sāhibo merī āgahī hai sharāb

ai rañj-e-āgahī koī chāra to hogā nā
chal ḳhush na rah sakeñge guzārā to hogā nā

abhī hai nūr-o-zulmat kī kashākash
abhī hai duur manzil āgahī kī

ishq kī rāhoñ meñ haa.el ho rahī hai āgahī
ab junūñ baḌh jā.egā dīvāngī baḌh jā.egī

ye āgahī marī mujhe rakhtī hai be-qarār
ḳhvābīda is sharar meñ haiñ ātish-kade hazār

alam ehsās āgahī mire dost
saarī bāteñ haiñ kāġhzī mire dost

ḳhud-āgahī o ḳhud-nigahī kā hai ye in.aam
aur jurm-e-shanāsā.ī-e-ālam kī sazā bhī

āgahī ne mujhe baḳhshī hai ye nār-e-ḳhud-soz
ik jahannam kī tarah ḳhud meñ bhaḌaktā huā maiñ

ye āgahī jo hameñ yuuñ hamāre haal kī hai
ye sab kamāl sikhā.e hue usī ke haiñ

mire jism-o-jāñ pe usī ke saare azaab saare savāb haiñ
vahī ek harf-e-ḳhud-āgahī ki abhī jo maiñ ne kahā nahīñ

vaqt ne dil kī tabī.at meñ vafā rakkhī hai
kulfat-e-āgahī phir us kī sazā rakhī hai

usī ke faiz se āshob-e-āgahī hai gavārā
nigāh-e-nāz hai yā mauj-e-bāda-e-unabī hai

yaañ kī aziyyatoñ se az-bas-ki āgahī thī
karte the ham adam meñ inkār zindagī se

vahī manziloñ se bhaTak ga.e na junūñ ke saath jo chal sake
jo fareb hosh meñ aa ga.e rah-e-āgahī ko taras ga.e