Tags-Aagahi

gulzār-e-hast-e-būd meñ aarif kī āgahī
aurāq-e-gul pe sūrat-e-shabnam bikhar ga.ī

ḳhirad ik nuur meñ zam ho rahī hai
jharokā āgahī kā khul gayā kyā

hisār-e-vahshat-e-dil se nikal to aa.e magar
tamām-umr ajab sehr-e-āgahī meñ rahe

jahāñ laġhzishoñ se mafar nahīñ ye vo āgahī kā maqām hai
yahāñ hast-o-būd ko bhuul jā na.ī qurbatoñ se visāl rakh

us ke pindār-e-ḳhud-āgahī par na jā
dekh insāñ kī bechārgī kī taraf

jāda-e-āgahī par baḌī bhiiḌ thī
saikḌoñ muḌ ga.e gumrahī kī taraf

pahle bhī mere gaañv meñ ghāyal haiñ tiin shaḳhs
āzār āgahī kā maiñ chauthā marīz huuñ

ḳhirad-ba-dosh hai tahzīb-e-nau magar phir bhī
junūñ-ba-dāmāñ tamaddun ko āgahī tarse

hastī se apnī mujh ko nahīñ mutlaq āgahī
umr-e-guzishta yā ki ġhazāl-e-ramīda huuñ

tulū-e-āftāb-e-āgahī kyā ḳhaak dekheñge
hiqārat se mirā chāk-e-garebāñ dekhne vaale

āgahī ne
mujhe dukh ke dā.ere meñ

yā to ik din toḌ Dālūñgā hisār-e-āgahī
yā kisī qisse kā ik kirdār ho jā.ūñgā maiñ

shu.ūr ek shu.ūr-e-fareb hai so to hai
ġharaz ki āgahī nā-āgahī ko chhoḌ diyā

'zākir' ye zindagī kī haqīqat sarāb hai
jab āgahī milī to yahī tajraba huā

ye kis maqām pe pahuñchī ḳhud-āgahī merī
ki aaj aap ne mahsūs kī kamī merī

ḳhushī kī ma.arifat aur ġham kī āgahī na milī
jise jahāñ meñ mohabbat kī zindagī na milī

bashar ko mash.al-e-īmāñ se āgahī na milī
dhuāñ vo thā ki nigāhoñ ko raushnī na milī

mire liye na ye mastī na āgahī hai harām
mujhī ko bazm se uThnā thā sar uThānā thā

mujh ko ehsās ho gunāhoñ kā
kar do bedār āgahī merī

bahut daave kiye haiñ āgahī ne
nahīñ samjhā mohabbat ko kisī ne