Tags-Awaz

pahlī āvāz

āvāz de ke dekh lo shāyad vo mil hī jaa.e
varna ye umr bhar kā safar rā.egāñ to hai

ahd-e-māzī meñ bhī hai koh-e-nidā jaisā tilism
ye bhī vo āvāz hai muḌ kar jise dekhā na jaa.e

ye kaisī sargoshī-e-azal sāz-e-dil ke parde hilā rahī hai
mirī samā.at khanak rahī hai ki terī āvāz aa rahī hai

lai meñ Duubī huī mastī bharī āvāz ke saath
chheḌ de koī ġhazal ik na.e andāz ke saath

apne ghar ke dar-o-dīvār ko ūñchā na karo
itnā gahrā mirī āvāz se pardā na karo

Darī aur sahmī magar phir bhī jaarī ye āvāz dil chīrtī hai
hamāre vatan meñ bhī hogā

apnī āvāz pe chauñk uThtā hai
dil meñ jo chor chhupā hai apnā

koī āvāz koī hañgāma
qāfila rukne lagā hai apnā

kaan paḌtī nahīñ āvāz koī
dil meñ vo shor bapā hai apnā

dil kī raftār badal jaatī thī āvāz ke saath
yaad aatā hai vo pairāya-e-guftār bahut

ek āvāz ke do hisse hue Thiik huā
tum vahāñ rah ga.e ḳhāmosh yahāñ rah ga.e ham

aag kā hañsnā dekh havā ke lahje meñ
paanī kī āvāz meñ ronā miTTī kā

har shaḳhs yahāñ gumbad-e-be-dar kī tarah hai
āvāz pe āvāz do suntā nahīñ koī

koī dīvāna galiyoñ meñ phirtā rahā
koī āvāz aatī rahī raat bhar

ab tak maiñ vahīñ par huuñ jahāñ se maiñ chalā huuñ
āvāz kī raftār se kyuuñ bhaag rahā huuñ

ugī haiñ chaar sū bāteñ hī bāteñ
ajab sī har taraf āvāz-e-pā hai

aap agar chāheñ to haañ ārām kareñ
ham to bas āvāz lagā kar jā.eñge

suno, suno, āñsuoñ kī āvāz ruuh ko apne dukhte
hāthoñ se chhū rahī hai

marmarīñ uñgliyāñ ik dil pe likheñ hāl-e-hinā
phuul āvāz kā khil jaa.e pashemānī meñ