Collections

Lab Shayari

Motivational Ghazals

Best Khamoshi Shayari

More Collections

Tags-Awaz

na tū na terī koī baat nā tirī āvāz
samāñ hai aaj bahut sogvār chup ḳhāmosh

nazar udas jigar be-qarar chup KHamosh

lamhe kā lams phail chukā kā.enāt par
āvāz dene aa.ī haiñ ab dūriyāñ mujhe

milta nahin KHud apne qadam ka nishan mujhe

aise ujḌā hai tire ba.ad mire dil kā jahāñ
achchhī lagtī nahīñ āvāz bhī shahnā.ī kī

bhul jaun main ada kaise us harjai ki

vo nāzuk-lab hai ab jaane hī vaalā
mirī āvāz bhārī ho ga.ī hai

ajab haalat hamari ho gai hai

merī ḳhāmoshiyoñ meñ larzāñ hai
mere nāloñ kī gum-shuda āvāz

husn marhun-e-josh-e-baada-e-naz

samajhtā huuñ maiñ be-mafhum sī āvāz shikve ko
musībat ḳhud madad kartī hai aa kar imtihānoñ meñ

tazad achchha nahin tarz-e-bayan ka hum zabanon mein

lahja ki jaise sub.h kī ḳhushbū azaan de
jī chāhtā hai maiñ tirī āvāz chuum luuñ

lahja ki jaise subh ki KHushbu azan de

niiñd meñ koī apne-āp se bāteñ kartā rahtā hai
kāl-kuñ.eñ meñ gūñjtī hai āvāz kisī saudā.ī kī

tinka tinka kanTe toDe sari raat kaTai ki

ye kis maqām se tū ne ḳhitāb farmāyā
sunī ga.ī mirī āvāz bhī sadā meñ tirī

hazar kufr hain ek chashm-e-parsa mein teri

falak to gosh-bar-āvāz hai magar 'tābish'
na ho zabān hī muñh meñ to kyā ḳhitāb kareñ

dar-e-ufuq pe raqam raushni ka bab karen

ḳhalā meñ ġhaib kī āvāz ne chhoḌā hai mujh ko
maiñ samjhā thā mujhe us paar le kar jā rahī hai

diye se lau nahin pindar le kar ja rahi hai

ek āvāz ubhartī hai pas-e-manzar-e-ḳhūñ
ai ujālo mirī tasvīr kā qātil laao

kashtiyan Dub rahi hain koi sahil lao

mirī āvāz meñ sūrat hai merī
ki apne saaz kī āvāz huuñ maiñ

kai aawazon ki aawaz hun main

ka.ī āvāzoñ kī āvāz huuñ maiñ
ġhazal ke vāste e.azāz huuñ maiñ

kai aawazon ki aawaz hun main

āvāz aa.ī pīchhe palaT kar to dekhiye
pīchhe palaT ke dekhā to patthar kā aadmī

shayad ki mar gaya mere andar ka aadmi

mirī taqdīr badlī zo.af se āvāz kyā badlī
vo apne dil meñ dushman kī sadā samjhā nikal aayā

gali mein baKHt ke un ka bhi kuchh qissa nikal aaya

detī rahī āvāz pe āvāz ye duniyā
sar ham ne na phir ḳhaak kī chādar se nikālā

har rang-e-tarab mausam o manzar se nikala

chaar jānib vajūd kī dīvār
apnī āvāz maiñ hī suntā thā

sau raha tha to shor barpa tha

muntazir kitne rahe band darīche saare
terī āvāz na phir lauT ke aa.ī ghar meñ

aisi taqsim ki surat nikal aai ghar mein

chāhtā huuñ tum ko ḳhushbū kī tarah
ab ki maiñ āvāz hī āvāz huuñ

har qadam par mere armanon ka KHun