Tags-Awaz

kin kin kī ātmā.eñ pahāḌoñ meñ qaid haiñ
āvāz do to bajte haiñ patthar ke daf yahāñ

qayāmat aa.ī shab-e-vasl mere ghar ke paas
raqīb ne use āvāz dī azaañ kī tarah

tai kar rahā huuñ ḳhvāb-o-haqīqat ke fāsle
maanā ki maiñ kahāñ tirī āvāz-e-pā kahāñ

mirī āvāz ne kitne hī chaman phūñk diye
nāla-e-sub.h-e-bahārī huuñ mire paas na aa

āvāz de ke pūchh lo kyā ho gayā use
vo shaḳhs jā rahā hai bahut sochtā huā

tujh ko is tarah bhī dekhā hai mirī āñkhoñ meñ
terī āvāz kī tasvīr utar aa.ī hai

tumhārī yādoñ ke phuul aise sahar ko āvāz de rahe haiñ
ki jaise ThanDī havā kā jhoñkā mirī galī se guzar rahā hai

tanhā.ī kā ġham ruuh ke andar se nikālūñ
āvāz koī de to qadam ghar se nikālūñ

manzileñ āvāz de kar thak ga.iiñ
qāfile gard-e-safar meñ kho ga.e

jaane kis āvāz kī ḳhushbū sūñgh rahe haiñ kaan
saare badan meñ Dol rahā hai ik kaif-e-lazzāt

aks the āvāz thī lekin koī chehrā na thā
nāchte gaate qadam the aur koī pahrā na thā

har taraf āvāz ke TuuTe hue girdāb haiñ
raushnī kam hai magar chaltā hai dariyā aur bhī

ġhair ne mujh ko satā kar jail kī khaa.ī havā
ye na samjhā thā ki us kā laTTh be-āvāz hai

merī fariyād-o-fuġhāñ sun kar harāmī ne kahā
ye usī ullū-ke-paTThe 'būm' kī āvāz hai

is shor meñ kyā koī sunegā mirī āvāz
jis shor meñ mātam kī sadā Duub chalī hai

tere naġhmoñ se hai rag rag meñ tarannum paidā
ishrat-e-rūh hai zālim tirī āvāz nahīñ

hai terī shakl yā tirī āvāz kā ḳhayāl
kartā huuñ iltifāt yakāyak jidhar ko maiñ

rañg darkār the ham ko tirī ḳhāmoshī ke
ek āvāz kī tasvīr banānī thī hameñ

naza.a kī aur bhī taklīf baḌhā dī tum ne
kuchh na ban aayā to āvāz sunā dī tum ne

rishta-e-umr hai kam aur mirī rassī hai darāz
aa.ī charḳhe se ye āvāz na tū kaat mujhe