Tags-Teer

merī ḳhāmoshī mirī mashq hai is mashq meñ tum
maar kar tiir mirī tishna-dahānī sunñā

yaañ ho rahā hai siina mirā aagū hī chhalnī
DhūñDe hai kahāñ tiir ko sofār kidhar hai

āshiq-e-jāñ-bāz haiñ ham muñh na moḌeñge kabhī
tum kamāñ se tiir chhoḌo imtihāñ ho jā.egā

dekhā jo khā ke tiir kamīñ-gāh kī taraf
apne hī dostoñ se mulāqāt ho ga.ī

kamāñ se chāhe na nikle kisī kā tīr-e-nazar
magar ye lagtā hai dil meñ utarnā chāhtā hai

dil kyuuñ ki ḳhadañg-e-nigah-e-yār se bach jaa.e
ye tiir qazā kā hai ḳhatā ho nahīñ saktā

in kī mizha hai ka.aba-e-abrū meñ mo.atakif
khīñchā kabhī na tiir ne chilla kamān meñ

ye dil kī amānat baneñ to sahī
jo tīr-e-sitam baarī baarī lage

hue haiñ ham 'ābrū' nishāne lage haiñ ta.ane ke tiir khāne
tirā burā ho are zamāne batā tū is tarah kyuuñ ki jiije

use jab tak hai tīr-andāzī kā shauq
zabūnī par mirī ḳhātir nishāñ hai

na koī tiir na sāzish na tohmateñ na hasad
kisī ne mujh se baḌī be-svād nafrat kī

jo ye nishāna uḌā do to samjheñ tīr-fagan
bahut hai nāvak-e-mizhgāñ se fāsla dil kā

dil siine meñ kahāñ hai na tū dekh-bhāl kar
ai aah kah de tiir kā naama nikāl kar

nazar to aas kī ab ahal-e-āsmān pe hai
duā kā tiir abas ajr kī kamān pe hai

shahr-e-be-ehsās meñ merī sadā-e-ehtijāj
tiir ho jaise añdhere meñ koī chhoḌā huā

rāz-e-ḳhirad ho kuchh bhī ab rāz-e-junūñ to ye hai bas
aañkh thī be-basar rahī tiir thā be-kamāñ gayā

jo tiir andhere se the chale vo sarhad-e-jāñ ko chhū na sake
chaltā thā maiñ jis ke saa.e meñ gardan pe vahī talvār girī

chūsā dahān-e-zaḳhm ne us ko hai is tarah
paikān-e-tīr-e-yār zabān-e-makīda hai

al-amāñ al-amāñ al-hazar al-hazar al-amāñ al-hazar terī nīchī nazar
tiir ban kar jigar meñ utar jā.egī dard kī Tiis rag rag meñ bhar jā.egī

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ