Tags-Teer

faqat paas hai un ke tīr-e-nigah kā
jo siine se dil ko lagā.e hue haiñ

mīThī bāteñ, kabhī talḳh lahje ke tiir
dil pe har din hai un kā karam bhī nayā

qatl to nahīñ badlā qatl kī adā badlī
tiir kī jagah qātil saaz uThā.e baiThā hai

jhukegī rafta rafta shāḳh-e-naḳhl-e-qad kamāñ ho kar
khiñchegā tuul furqat kā zah-e-tīr-e-fuġhāñ ho kar

kushta huuñ ek tark ke tīr-e-nigāh kā
andāz-e-murġh dil meñ hai zaḳhmī shikār kā

dekh kahīñ daġhā na ho jism se jaañ judā na ho
jald sambhal ḳhatā na ho tīr-e-ajal kamāñ meñ hai

guzar jaatī hai dil se tiir ho kar yaad us qad kī
jahāñ ham-dosh-e-āshiq ham koī abrū-kamāñ dekheñ

pahuñche hai tīr-e-āh mirā arsh ke pare
jab se lagā hai dil meñ mire ishq kā ḳhadañg

ye din jo aaj biit gayā phir na aa.egā
ye tiir bhī nikal gayā qaus-e-kamān se

vo chashm kartī hai said aahū haiñ itne tīr-e-mizha tarāzū
pukār hogī ye kal ko har sū karīh hai mushk-e-nāb kaisā

jazba-e-mohabbat ko tīr-e-be-ḳhatā paayā
maiñ ne jab use dekhā dekhtā huā paayā

dīda-e-said se āgāh na dil se vāqif
ajnabī kaun hai tarkash meñ tire tiir ke saath

ye pheñk tīr-e-nigah jī se maar Dāleñ haiñ
batāo kar sake be-jāñ sitam kī kyā taqrīr

shikār karte haiñ ab log ek tiir se do
kahīñ nigāh kahīñ par nishāna Thiik hai kyā

ik tiir nahīñ kyā tirī mizhgāñ kī safoñ meñ
bah jaa.eñ lahū ban ke ye hasrat hai diloñ meñ

guftugū tiir sī lagī dil meñ
ab hai shāyad ilaaj sannāTā

na badlā na badlā hasīnoñ kā sheva
vahī tīr-o-nashtar vahī dil-figārī

nīm-bāz āñkhoñ ke qurbāñ yuuñ kanakhiyoñ se na dekh
ochhe vāroñ se zad-e-har-tīr aadhī rah ga.ī

kamānoñ meñ khiñche haiñ tiir talvāreñ haiñ chamkī
zarā Thahro kahāñ jaate ho dariyā dekhne ko

jab kahā tiir tirī aañkh ne akasr maarā
chitvaneñ pher ke bole ki barābar maarā