Tags-Teer

jo niklī hogī koī aarzū to ye bhī niklegā
tumhārā tīr-e-hasrat ban gayā dil meñ nihāñ ho kar

hameñ to rāstī joñ tiir hargiz raas aa.ī niiñ
hamesha TeḌhe hī rahte haiñ ye abrū-kamāñ ham se

hāl-e-ġham kah ke ġham baḌhā baiThe
tiir maare the tiir khā baiThe

dushman jitne aa.e un ke ḳhatā hue sab tiir
lekin apnoñ kā har tiir nishāne baiThā thā

pahlū meñ bādshāh ke thā jalva-gar vazīr
sardār-e-dīñ alī-e-valī ḳhalq kā amiir

diloñ par saikḌoñ sikke tire joban ke baiThe haiñ
kalejoñ par hazāroñ tiir is chitvan ke baiThe haiñ

kam nahīñ hai torpedo se tire tīr-e-nazar
chhed kar dil aag siine meñ lagā dene lage

ai dil us ke tiir ke hamrāh siine se nikal
varna pachhtā.egā tū ye saath nādāñ chhoḌ kar

phir vo kyā chiiz hai jo dil meñ utar jaatī hai
teġh paas un ke na vo tiir liye baiThe haiñ

jigar o dil kī na pūchho jigar o dil mere
nigah-e-nāz ke do tiir liye baiThe haiñ

ye kis ko tiir chalāne kā shauq jaag uThā
vo baaz merī taraf hī jhapaTne vaalā thā

junūñ ke taur ham idrāk hī se bāñdhte haiñ
ki tīr-o-tār ko fitrāk hī se bāñdhte haiñ

kisī dushman kā koī tiir na pahuñchā mujh tak
dekhnā ab ke mirā dost kamāñ kheñchtā hai

kasrat nujūm kī na falak par ye samjhiyo
ġhirbāl ho gayā hai mire tīr-e-āh se

dikhānā paḌegā mujhe zaḳhm-e-dil
agar tiir us kā ḳhatā ho gayā

tiir barse kabhī ḳhanjar aa.e
ye maqāmāt bhī akasr aa.e

ye tiir aisā lagā hai dil par ki dil maza us kā jāntā hai
maiñ lazzat-e-ġham se be-ḳhabar thā tumhārī tirchhī nazar se pahle

jahāñ bhī tiir lagā bas vahī hadaf Thahrā
hai phir bhī zo.am bahut un ko in kamānoñ par

tīr-e-sitam se mil ke uḌā jānib-e-adam
par aap ke ḳhadañg se maiñ daam le gayā

musalsal zaḳhm kā parda kahāñ tak
kahāñ tak tiir khā kar muskurā.eñ