Tags-Teer

pusht-e-ḳhamīda dekh ke hotā huuñ na.ara-zan
kartā huuñ sarf-e-tīr jo zor is kamāñ meñ hai

tīr-e-mizha ho yaar kā aur nishāna dil mirā
tiir pe tiir tā-ba-kai kiije hazar kisī tarah

dil par to lagāte ho tum tīr-e-nazar lekin
aahoñ ko hamārī bhī talvār samajh lenā

ab na 'ġhālib' se shikāyat hai na shikva 'mīr' kā
ban gayā maiñ bhī nishāna reḳhta ke tiir kā

hotā hai sukūn-e-qalb-o-jigar har zaḳhm meñ lazzat aatī hai
o nāvak-afgan tiir tire taskīn-e-rag-e-jāñ hote haiñ

mīr-e-sipāh nā-sazā lashkariyāñ shikasta saf
aah vo tīr-e-nīm-kash jis kā na ho koī hadaf

guzar ga.ī sadī ye fikr-e-tīr-e-chashm-e-nāz meñ
tamām jism chhoḌ kar ye sirf dil pe kyuuñ chalā

shohrat us said-e-vafādār kī uḌ jaatī hai
tiir meñ jis ke lagāne ko vo par lete haiñ

kyuuñ na Thahreñ hadaf-e-nāvak-e-bedād ki ham
aap uThā laate haiñ gar tiir ḳhatā hotā hai

allāh re toḌ nīchī nigāhoñ ke tiir kā
uf bhī na karne paa.e the aur dil ke paar thā

haañ kabhī ruuh ko naḳhchīr nahīñ kar saktā
tujh zabāñ ne jo kiyā tiir nahīñ kar saktā

vo abr-e-rāh-guzar kī tahoñ meñ Duubā chāñd
havā chale to abhī tair kar ubharne lage

rusvā na zaḳhm-e-tīr-enazar ho ye ḳhauf hai
hāthoñ se dil chhupā.e hue haiñ kafan meñ ham

tīr-e-mizhgāñ kā hai ye ghaav bhare to kaise
ab to nāsūr banā zaḳhm ye gahrā ho kar

fazā meñ uḌte parindoñ kī Daar merī thī
nishāne mere the tīr-o-kamāñ bhī mere the

churā.īñ kyuuñ aap ne nigāheñ ki ho ga.iiñ band dil kī rāheñ
maza to jab thā ye tiir aksar idhar se jaate udhar se aate

chalegā tiir jab apnī duā kā
kaleje dushmanoñ ke chhān degā

soḳhta dil meñ na miltā tiir ko ḳhuuñ ai 'qamar'
ye bhī kuchh mehmāñ kī qismat se mayassar ho gayā

said karne se jo hai tā.ir-e-dil ke munkir
ai kamāñ-dār tire tiir meñ par kis kā hai

tiir par tiir lagāo tumheñ Dar kis kā hai
siina kis kā hai mirī jaan jigar kis kā hai