Tags-Teer

baat kuchh ḳhaak nahīñ thī jo uḌaa.ī tū ne
tiir kuchh aib nahīñ thā jo lagā baiThā hai

dushmanoñ ke saath mere dost bhī āzād haiñ
dekhnā hai khīñchtā hai mujh pe pahlā tiir kaun

tiir par tiir lage to bhī na paikāñ nikle
yārab is ghar meñ jo aave na vo mehmāñ nikle

abrū kahāñ ne vaz.a nikālī hai ye na.ī
rahtā hai tīr-e-ġhamza mire dil meñ maar tak

hamāre tiir chhupā.e nahīñ ga.e the 'munīr'
hamārā haat hī apnī kamān tak na gayā

akele paar utar ke bahut hai ranj mujhe
maiñ us kā bojh uThā kar bhī tair saktā thā

mire siine ko na hadaf karo tapish-e-jigar se Dare raho
par-e-murġh-e-tīr na jal uTheñ ki lahū ba-rañg-e-sharār hai

chaḌhā kar tiir nazroñ kī kamāñ par
hasīnoñ ke qadam haiñ āsmāñ par

tanhā nihatte laḌte rahe zindagī kī jañg
lashkar thā saath aur na tīr-o-kamān the

fazā meñ uḌte parinde kī ḳhair ho yārab
ki us kā tair baḌā hai magar kamān hai tañg

khich ke yuuñ hī kamān meñ huuñ qaid
chhūT jā.ūñ to ek tiir huuñ maiñ

tiir chalte haiñ lagātār savād-e-jāñ meñ
aur talvār koī ek judā chaltī hai

zaḳhmī haiñ donoñ kyā tire tīr-e-nigāh ke
dil meñ ḳhalish hai aur jigar dāġh-dār kyuuñ

thiiñ kamāneñ to hāthoñ meñ aġhyār ke
tiir apnoñ kī jānib se aate rahe

nigāh-e-dost ke aage sipar laanā hai lā-hāsil
ye tīr-e-nīm-kash qalb o jigar barmā hī jaatā hai

tiir mat dekh mire zaḳhm ko dekh
yār-e-yār apnā adū meñ gum hai

naqsh bantā hī nahīñ sañg-e-samā.at pe koī
kund alfāz ko phir tīr-o-tabar karnā thā

gar tiir lagāvegā paiham vo nigah ke to
maiñ us kī jarāhat ko hañs hañs ke uThā lūñgā

tahrīr ik aur tair ke tahlīl ho ga.ī
ik aur naqsh-e-lauh-e-zamān-o-makāñ gayā

us ke tīr-e-nazar kī baḌī dhuum hai
aa.e dil pe mire āzmā.e nazar