Tags-Travel

kyā ajab koī kiran ham-safar-e-ḳhvāb mile
tā-sahar le ke chaleñ niiñd ke maate ḳhud ko

ābla-pā hai to kyā hai tū vo sargarm-e-safar
qāfile vaalo 'sabā' ko to pukārā jaa.e

zindagī tishna-dahānī kā safar thī shāyad
ham jidhar jaate usī raah pe sahrā jaatā

gardish jinheñ misl-e-āsiyā hai
daa.im unheñ hai safar vatan meñ

manzil-e-ḳhvāb hai aur mahv-e-safar paanī hai
aañkh kyā kholīñ ki tā-hadd-e-nazar paanī hai

hāmid kahāñ ki dauḌ ke jā.ūñ ḳhabar ko maiñ
kis aarzū pe qat.a karūñ is safar ko maiñ

chashm-e-nam aur dil labrez bahut haiñ mujh ko
ḳhitta-e-ḳhāk hai aur zād-e-safar paanī hai

kāġhaz kā chāñd rakh diyā duniyā ne haath meñ
pahle safar kī raat hī raas aa ga.ī mujhe

har-gām-o-har-nafas rahe darpesh marhale
zauq-e-safar gavāh ki maiñ bhī rukā nahīñ

ek lamhe meñ simaT aayā hai sadiyoñ kā safar
zindagī tez bahut tez chalī ho jaise

paa.ī hamesha ret bhañvar kāTne ke ba.ad
tishna-labī kā lambā safar kāTne ke ba.ad

utrī huī hai dhuup badan ke hisār meñ
qurbat ke fāsloñ kā safar kāTne ke ba.ad

Daal de paañv meñ zanjīr hī ab to maulā
aur hijrat kā na dam hai na safar ke ham haiñ

hai ajiib shahr kī zindagī na safar rahā na qayām hai
kahīñ kārobār sī dopahar kahīñ bad-mizāj sī shaam hai

ujālā de charāġh-e-rahguzar āsāñ nahīñ hotā
hamesha ho sitārā ham-safar āsāñ nahīñ hotā

na bahlāvā na samjhautā judā.ī sī judā.ī hai
'adā' socho to ḳhushbū kā safar āsāñ nahīñ hotā

hue haiñ mahrūm-e-dīd-e-be-dil kiyā tajāhul kā us ne bismil
vo dil-rubā ban gayā hai qātil kamar ko kas ke safar ko chaliye

safar karnā hai aglī sub.h aur garmī-e-pā se
mire bistar kā saarā pā.itāna jal rahā hai

yahāñ maiñ dohrā rahā huuñ pahle safar kī bāteñ
magar kahāñ ab vo shādmānī ravāñ hai paanī