Tags-Travel

maiñ huuñ merī chashm-e-tar hai raat hai tanhā.ī hai
dard merā ham-safar hai raat hai tanhā.ī hai

larzāñ hai lahū kī ḳhalījoñ meñ pechāñ hai badan kī nasījoñ meñ
ik bujhte hue sho.ale kā safar kuchh din ho agar kuchh din to yahī

safar kaTtā hai akasr be-ḳhudī meñ
adā.eñ yaad haiñ ik ham-safar kī

ye safar ma.alūm kā ma.alūm tak hai ai 'munīr'
maiñ kahāñ tak in hadoñ ke qaid-ḳhānoñ meñ rahūñ

na.e safar kī kahīñ ibtidā na ho manzil
ye paañv pūchh rahe haiñ thakan se Darte hue

phir vahī sub.h aur azm-e-safar
phir vahī shaam aur tanhā.ī

koī bhī rasta kisī samt ko nahīñ jaatā
koī safar mirī takmīl karne vaalā nahīñ

mujhe bachā bhī liyā chhoḌ kar chalā bhī gayā
vo mehrbāñ pas-e-gard-e-safar chalā bhī gayā

liye phirtā hai mujh ko qarya qarya kū-ba-kū har dam
magar saare safar meñ merā ghar aane nahīñ detā

na-jāne kaisā safar hai ki kuchh pata hī nahīñ
chalā kahāñ se kahāñ aa ke ruk gayā huuñ maiñ

na dāmanoñ meñ yahāñ ḳhāk-e-rahguzar bāñdho
misāl nik.hat-e-gul mahmil-e-safar bāñdho

ga.e haiñ des ko ham apne chhoḌ kar bhī nahīñ
muhājrat ke liye shart ab safar bhī nahīñ

koī bhī ḳhush nahīñ hai is ḳhabar se
ki duniyā jald lauTegī safar se

ḳhudā.ī mere kāñdhoñ par
safar tabrīk kā tai kartī jā.egī

nishān qāfla-dar-qāfla rahegā mirā
jahāñ hai gard-e-safar silsila rahegā mirā

marhala-vār mohabbat kā safar ho 'ādil'
tai ye rasta ki riyāzat se kiyā jaatā hai

chale le ke sar par gunāhoñ kī gaThrī
safar meñ ye hai rū-siyāhoñ kī gaThrī

ye kā.enāt abhī tak mire tavāf meñ hai
ajab nahīñ ise yūñhī safar meñ rakkhā jaa.e

ye bad-nasībī nahīñ hai to aur phir kyā hai
safar akele kiyā ham-safar ke hote hue

ham-safar us ke the aur raḳht-e-safar bhī us kā
maiñ to bas be-sar-o-sāmān thā tum jānte the