Tags-Travel

vo sharīk-e-safar nahīñ hotā
maiñ uThātā huuñ dostī kā dukh

ham-safar ab nahīñ koī merā
merā sāthī hai ham-rahī kā dukh

koī vahshī chiiz sī zanjīr-e-pā jaise havā
duur tak lekin safar kā silsila jaise havā

ḳhalā ke dasht se ab rishta apnā qat.a karūñ
safar tavīl hai behtar hai ghar ko lauT chalūñ

banā hai jab se vo 'nāyāb' ham-safar merā
bichhe hue haiñ masarrat ke phuul rāhoñ meñ

aks-e-falak par ā.īna hai raushan aab zaḳhīroñ kā
garm-e-safar hai qāz-e-qāfila sail-e-ravāñ hai tīroñ kā

saath detā jo tū safar phir ye
itnā mushkil-bharā nahīñ hotā

zarā sā saath do ġham ke safar meñ
zarā sā muskurā do thak gayā huuñ

TuuTī hai ye kashtī to mire saath safar ko
vo jān-e-masāfat mirā tayyār huā hai

apne markaz se judā ho kar agar ye fikr-e-nau
dā.era-dar-dā.era garm-e-safar hai bhī to kyā

kisī parinde kī vāpsī kā safar mirī ḳhaak meñ milegā
maiñ chup rahūñgā shajar kī sūrat shajar mirī ḳhaak meñ milegā

hazār ranj-e-safar hai hazar ke hote hue
ye kaisī ḳhāna-badoshī hai ghar ke hote hue

jis moḌ se chale the pahuñche haiñ phir vahīñ par
ik rā.egāñ safar ko anjām karte karte

bichhḌā to nahīñ koī tumhārā bhī safar meñ
kyuuñ bhāge chale jaate ho betāb se aage

kuchh aur hasīñ moḌ the rūdād-e-safar meñ
likkhā na magar kuchh bhī tire baab se aage

nishāñ manzil kā batlāyā na mujh ko ham-safar jaanā
tazabzub meñ paḌā hai vo jise maiñ ne ḳhizar jaanā

kal sāmne manzil thī pīchhe mirī āvāzeñ
chaltā to bichhaḌ jaatā ruktā to safar jaatā

safar kī dhuup pighal jā.egī purānī hai
gulāb ban ke mahak merī dhaḌkanoñ meñ aa

maiñ terī yaad ko āñchal meñ bāñdh laa.ī huuñ
tire ḳhayāl ko zād-e-safar meñ rakhtī huuñ

ham dhuup ke safar pe musalsal haiñ gāmzan
kashkol-e-chashm meñ liye ik sā.ebāñ kī chhāñv