Tags-Tribute

maiñ to har saañs ko detā rahā jiine kā ḳhirāj
zindagī phir bhī kabhī raas na aa.ī mujh ko

ek bosīda havelī yaanī farsūda samāj
le rahī hai naza.a ke aalam meñ murdoñ se ḳhirāj

shamīm-e-gulshan-e-rizvāñ ba-sad niyāz aa.ī
ḳhirāj le ke tirī zulf-e-mushkbū ke liye

gāḌiyoñ bargad ke patte ek man puḳhta anaaj
ek hāthī ko milā kartā thā rozāna ḳhirāj

har shanāvar ko nahīñ miltā talātum se ḳhirāj
har safīne kā muhāfiz nāḳhudā hotā nahīñ

maiñ us charāġh kī lau ko ḳhirāj de aa.uuñ
jo bujh gayā to hamesha bujhā rahegā vo

sahar pashemān-e-ārzū haiñ charāġh-e-shab the so jal bujhe ham
ḳhirāj ashkoñ kā ḳhūn-e-dil se jo ham ko lenā thā le chuke ham

lene ko aḳhtrān-e-falak se ḳhirāj-o-bāj
har aan sho.ala-o-sharar-afshān-e-nāla thā

zindagī kī tarah ḳhirāj-talab
koī darmāñda aarzū hai abhī

aise bhī bānī-e-be-dād haiñ kuchh duniyā meñ
falak-e-pīr bhī detā hai jinheñ jhuk ke ḳhirāj

bādshāhī bhī nazar aatī hai muhtāj-e-ḳhirāj
taaj kashkol-e-gadā yaañ hai ye ma.alūm huā

ye mo.ajaza to nahīñ hai koī ḳhirāj hai apnī himmatoñ kā
ki apne raste meñ aane vaale tamām kohsār hiT ga.e haiñ

pesh jab karne lage sab tire jalvoñ ko ḳhirāj
ham ne bhī lā ke vahāñ tasht meñ āñkheñ rakh diiñ

ek ik saañs pe dete rahe jiine kā ḳhirāj
zindagī ne na kiyā tark taqāzā apnā

'shāhīn' us kī nazr kareñge ḳhirāj-e-dil
shīrāza-e-junūñ meñ nayā baab bāñdh leñ

varna sīdhe se adā kar de sharāfat kā ḳhirāj
aur āzādī kī ḳhvāhish hai to baḌh elaan kar

shahr-e-jānāñ se bhī ham laa.e mohabbat kā ḳhirāj
kyā zarūrī hai ki yaañ vaz-e-gadāyāna bane

maut bhī letī rahī apnā ḳhirāj
kārobār-e-zīst bhī chaltā rahā

ye kis ne ham se lahū kā ḳhirāj phir māñgā
abhī to so.e the maqtal ko surḳh-rū kar ke

ye merā dil mirī āñkheñ ye mere ḳhvāb azaab
uThā ai ishq tujhe jo bhī hai ḳhirāj pasand