Tags-Ummeed

ummīd-e-sub.h meñ kartā huuñ chaak dāman-e-shab
junūñ meñ roz nikālā hai mashġhala dil kā

ham ko thī ummīd āḳhir tak magar
lauT kar rishtoñ meñ saañs aa.ī nahīñ

abhī ummīd ko māyūsiyoñ kā rañg na de
Thahar Thahar abhī us kā ḳhayāl aa.egā

isī umiid pe āñkheñ barastī rahtī haiñ
ki ek din to sunegā ḳhudā udāsī kī

ummīd kar rahā huuñ maiñ takmīl-e-shauq kī
kis ko batā.ūñ kis qadar āshufta-sar huuñ maiñ

rahī na tāqat-e-guftār aur agar ho bhī
to kis umiid pe kahiye ki aarzū kyā hai

ummīd hai javāb-e-ġham-e-ārzū magar
vo kyā kare jise koī ummīd hī nahīñ

kisī ummīd kā maskan na tamannā kā mahal
dil kī vīrānī hai sunsān se jañgal kī tarah

shāyad aa jaa.e kisī roz vo sajda karne
isī ummīd pe āñchal ko bichhā.e rakkhā

mirī ummīd aksar chāhtī hai surḳh-rū honā
magar hālāt aksar mujh ko ā.īna dikhāte haiñ

shab-e-firāq hai sham-e-umīd le aao
koī charāġh jalāo ki ġham kī raat kaTe

faroġh-e-jalva-e-ummīd terī umr darāz
siyāh raat hai sar par sahar nigāh meñ hai

umiid naqsh pe aane kī tere gar hotī
to apne jiine kī hargiz duā na karte ham

habāb aa sāmne sab valvale josh-e-javānī ke
ġhazab thā qulzum-e-ummīd kā chaḌh kar utar jaanā

ḳhvāhishoñ ke peḌ se girte hue patte na chun
zindagī ke sehn meñ ummīd kā paudā lagā

pattharoñ se kab talak bāñdhegī ummīd-e-vafā
zindagī dekhegī kab tak jāgtī āñkhoñ se ḳhvāb

qāsid kiyā hai ahd jo īfā-e-ahd kā
sub.h-umīd-e-vasl huī apnī shām-e-shauq

go unheñ rāh-e-inhirāf nahīñ
phir bhī ummīd-e-e'tirāf nahīñ

hamārī holī hai eid hai vo har ik ḳhushī kī umiid hai vo
vo paas aa.e to us se pūchheñ tū itne din se kahāñ thā pahle