Tags-Ummeed

kitnā bekār tamannā kā safar hotā hai
kal kī ummīd pe har aaj basar hotā hai

huuñ pur-ummīd ki sab āstīñ rakhte haiñ yahāñ
koī ḳhanjar to mirī pyaas bujhā hī degā

tum aise kaun ḳhudā ho ki umr bhar tum se
umiid bhī na rakhūñ nā-umīd bhī na rahūñ

dosto laao koī kashtī-e-nūh-e-ummīd
ab ke paanī vo chaḌhā hai ki utartā hī nahīñ

un se ummīd-e-mulāqāt ke ba.ad ai 'maḳhmūr'
muddatoñ tak na ḳhud apne se mulāqāt huī

ummīd hai vābasta mirī abr-e-karam se
aur abr-e-karam hai ki barastā bhī nahīñ hai

yād-e-māzī ġham-e-imroz umīd-e-fardā
kitne saa.e mire hamrāh chalā karte haiñ

us ke aane ke to imkāñ nazar aate hī nahīñ
isī ummīd meñ sab shaam sahar jā.eñge

jab khilī hoñgī tamannā ke shajar par kaliyāñ
dasht-e-ummīd meñ tūfān sā uTThā hogā

koī umiid kā taarā kahāñ se miltā hai
ye muflisī ko sahārā kahāñ se miltā hai

bahlā rahā huuñ dil ko fareb-e-ḳhayāl se
ummīd-e-ġham-gusārī-e-yārāñ kiye hue

piitā huuñ roz piitā huuñ talḳhāba-e-umīd
ehsās-e-lutf-e-sāqī-e-daurāñ kiye hue

na kisī se karam kī ummīd rakheñ na kisī ke sitam kā ḳhayāl kareñ
hameñ kaun se rañj mile haiñ na.e ki jo dil ke ziyāñ kā malāl kareñ

yuuñ ta.alluq hai hamārī dhaḌkanoñ kā aap se
dil ke sahrāoñ meñ bādal ho koī ummīd kā

haath thāme chal paḌā hai qāfila ummīd kā
har galī kūche meñ barpā jashn jaise iid kā

vahāñ jahāñ par añdheroñ kā kārvāñ utrā
kisī umiid pe sham.eñ jalā ke baiTh rahe

hujūm-e-yās ne be-dil kiyā aisā ki 'hasrat' ko
tire aane kī ab ummīd baaqī hai na ḳhvāhish hai

kahāñ mumkin kisī ko bāryābī un kī mahfil meñ
na itmīnān-e-koshish hai na ummīd-e-sifārish hai

shahr-e-ummīd haqīqat meñ nahīñ ban saktā
to chalo us ko tasavvur hī meñ ta.amīr kareñ

isī umiid pe barseñ guzār diiñ ham ne
vo kah gayā thā ki mausam palaT ke aate haiñ