Tags-Visaal

ahvāl hī aur ho rahe the
lazzat meñ visāl ro rahe the

visāl kī shab guzar ga.ī hai jo aarzū thī vo mar ga.ī hai
hameñ to hichkī lagī huī hai vo fikr meñ haiñ ki ghar ko chaliye

idhar to taqdīr so rahī hai udhar vo nābūd ho rahī hai
visāl kī shab ko ro jo chukiye to rone sham-e-sahar ko chaliye

tirā visāl ki jis taur mere bas meñ nahīñ
huā hai hijr meñ jiinā muhāl vaise hī

kiyā hañs ke sun kar savāl-e-visāl
tumheñ jur.at ab is qadar ho ga.ī

koī nishānī-e-ahd-e-visāl de jaa.e
vo merī umr mire māh-o-sāl de jaa.e

muzmahil raat aur tanhā.ī
kaash ḳhvāb-e-visāl meñ utro

usī ke jalve the lekin visāl-e-yār na thā
maiñ us ke vāste kis vaqt be-qarār na thā

ye hai kisī visāl kī hasrat ki ḳhauf-e-hijr
chubhtī hai rāt-bhar mujhe bistar kī koī chiiz

charāġh hai mirī rātoñ kā ek ḳhvāb-e-visāl
jo koī pal tirī chashm-e-siyāh meñ aayā

yā thī havas-e-visāl din raat
yā rahne lagā malāl din raat

mausam haiñ do hī ishq ke sūrat koī bhī ho
haiñ us ke paas aa.ine hijr-o-visāl ke

maiñ vahm huuñ ki haqīqat ye haal dekhne ko
giraft hotā huuñ apnā visāl dekhne ko

mahsharistān-e-ārzū-e-visāl
dil hai kyā ek kār-ḳhāna hai

un se shab-e-visāl meñ hujjat jo baḌh ga.ī
kuchh dil meñ soch soch ke pachhtā ke so rahe

kyā maiñ shab-e-visāl meñ ghaḌiyāñ ginā karūñ
karvaT badal ke kyuuñ mujhe chauñkā ke so rahe

shab-e-visāl adā.eñ bhī haiñ jafā.eñ bhī
dikhā.e jaate haiñ andāz kis balā ke mujhe

mujhe kaif-e-hijr aziiz hai tū zar-e-visāl sameT le
maiñ jo terā koī gila karūñ mirī kyā majāl sameT le

hotā hai is jahīm meñ hāsil visāl-e-jaur
'momin' ajab bahisht hai dair-e-muġhāñ na chhoḌ

laayā nahīñ hunūz naved-e-visāl-e-dost
ham shikva-sanj sustī-e-paik-e-sabā ke haiñ