Tags-Visaal

jis din se maiñ visāl kī āsūdgī meñ huuñ
us din se vo firāq se do-chār mujh meñ hai

ḳhabar visāl-e-adū kī sun kar visāl ke ma.anī sochte haiñ
unhīñ ko vaañ kuchh nahīñ hai shādī ki ḳhush yahāñ ham bhī ho rahe haiñ

firāq-rāt meñ zinda rahe ki zinda thī
hamārī ruuh meñ sarshāri-e-visāl-e-qadīm

shab-e-visāl meñ sunñā paḌā fasāna-e-ġhair
samajhte kaash vo apnā na rāzdār mujhe

ham un se mil ke bhī furqat kā haal kah na sake
maza visāl kā khote agar gila karte

vahī hijr raat kī baat hai vahī chāñd-tāroñ kā saath hai
jo firāq se huā āshnā use ārzū-e-visāl kyā

kabhī mauj-e-ḳhvāb meñ kho gayā kabhī thak ke ret pe so gayā
yūñhī umr saarī guzār dī faqat ārzū-e-visāl meñ

batāo to ye rahegā visāl meñ kab tak
hamāre haath ke badle gale kā haar lihāz

tire firāq kī sadiyāñ tire visāl ke pal
shumār-e-umr meñ ye maah o saal se kuchh haiñ

vo jahāñ haiñ vahīñ ḳhayāl mirā
mustaqil ho gayā visāl mirā

visāl-e-yār se achchhā to hijr hī hai ki ab
sukūñ se rahte haiñ vo bhī aur apnī shaan se ham

vo firāq aur vo visāl kahāñ
vo shab-o-roz o māh-o-sāl kahāñ

visāl-e-yār kī hasrat are ma.āz-allāh
firāq-o-shauq kī betābiyāñ are tauba

nashāt-e-umr ko ummīd par nisār na kar
visāl-e-sub.h-e-qayāmat kā intizār na kar

shīrīni-e-hayāt aur talḳhī-e-tajrabāt
hoñ zikr tere sher meñ hijr-o-visāl ke

vaqt hī judā.ī kā itnā tavīl ho gayā
dil meñ tire visāl ke jitne the zaḳhm bhar ga.e

shab-e-visāl bahut kam hai āsmāñ se kaho
ki joḌ de koī TukḌā shab-e-judā.ī kā

firāq se bhī ga.e ham visāl se bhī ga.e
subuk hue haiñ to aish-e-malāl se bhī ga.e

vaa.iz ke zikr-e-mehr-e-qayāmat ko kyā kahūñ
aalam shab-e-visāl ke āñkhoñ meñ chhā ga.e

visāl kī justujū meñ 'hasrat' chalā na zaarī na zor kā kuchh
bahut se yaañ ham ne Dhab nikāle ze-āb avval do.am ba-ātish