Tags-Visaal

hijr-o-visāl-o-ranj-o-ġham hasrat-o-yās-o-ārzū
har shai ubhar ke aa ga.ī mub.ham se ik savāl meñ

jo aap huā benām-o-nishāñ us ko hai milā vo jān-e-jahāñ
merāj-e-visāl hai us ko kahāñ jo ishq meñ chaknā-chūr nahīñ

jo ishq meñ bar-sar-e-dār huā sardār vahī sarshār huā
sarmast visāl-e-yār huā kis tarah kaheñ mansūr nahīñ

o hasrat-e-visāl na dekh is tarah na dekh
o bad-nazar kahīñ vo mukarrar ḳhafā na ho

jo roz o shab ke nasīb meñ be-darī hai likhnī
na ḳhvāb denā na dil meñ shauq visāl denā

agar judā.ī kī lazzateñ hī azīz-tar haiñ
to mujh ko fikr-e-visāl kyuuñ hai ye sochtā huuñ

duurī ke bāvajūd bhī Takrā rahī hai saañs ab
aisī judā.ī par karūñ qurbān sad-visāl bhī

jabr se ek huā zā.eqa-e-hijr-o-visāl
ab kahāñ se vo mazā sabr ke phal meñ aa.e

hameñ talāsh rahā thā visāl kā lamha
kisī ke hijr kī saa.at meñ rah ga.e haiñ ham

aaj ġhorabā bhī amīroñ ke gale mil jā.eñge
kuchh nahīñ tafrīq hogī ye visāl-e-eid hai

tire visāl kī ḳhvāhish kahīñ pe rakkhī ga.ī
tire visāl ke arse kahīñ guzāre ga.e

havā-e-hijr dikhātī hai sabz bāġh-e-visāl
to bāġh-e-vahm meñ apne mahakne lagtā huuñ

tū nahīñ hai to kaun hai mujh meñ
farq hijr o visāl meñ kyā hai

aayā thā ik gul-e-visāl dāman-e-hijr meñ kabhī
maiñ huuñ us ek phuul ko apnā chaman kiye hue

ab nahīñ dil meñ mire shauq-e-visāl
ab har ik shai se farāġhat hai mujhe

rahā shab jo ham se judā koī to kahe ye vāqi.a kyā koī
shab-e-hijr thī ki balā koī jise dekhte hī visāl thā

pasand haiñ tum ko bhīgī āñkheñ larazte lab aur udaas chehre
visāl kā jab irāda karnā mujhe bhī rañg-e-malāl denā

shab-e-visāl se shikve hazāroñ haiñ jī meñ
ilāhī band rahegī mirī zabāñ kyūñkar

na taab hijr kī rakhtā huuñ ne umīd-e-visāl
ḳhudā hī jaane ki kyā hogā us kā āḳhir-kār