Tags-Visaal

ye na thī hamārī qismat ki visāl-e-yār hotā
agar aur jiite rahte yahī intizār hotā

is zamāne ko taras jā.eñge ham
aah ye tishnagī-e-hijr-o-visāl

saaqī bane hue haiñ vo sāġhar shab-e-visāl
is vaqt koī mirī qism dekh jā mujhe

vo pūchhte haiñ shauq tujhe hai visāl kā
muñh chuum luuñ javāb ye hai is savāl kā

ḳhud aa ga.e haiñ simaT kar nigāh meñ jalve
visāl-e-dost hai ye rañj-e-intizār nahīñ

na nashāt-e-visāl na hijr kā ġham na ḳhayāl-e-bahār na ḳhauf-e-ḳhizāñ
na saqar kā ḳhatar hai na shauq-e-iram na sitam se hazar na karam se ġharaz

firāq sub.hoñ kī bujhtī kirneñ
visāl shāmoñ kī jaltī sham.eñ

sub.h-e-visāl pūchh rahī hai ajab savāl
vo paas aa gayā ki bahut duur ho gayā

kabhī sahar bhī to ban ai visāl ke mausam
sadā yuuñ hī shab-e-marg-e-murād ban ke na aa

mahv-e-raqs-e-visāl thā kyā thā
vo sarāpā ġhazāl thā kyā thā

tire visāl kī ḳhush-bū se baḌhtī jaatī hai
na jaane kaun sī dīvār darmiyān meñ hai

shab-e-visāl kī yārab na raushnī kam ho
vo nūr-e-āriz-e-rashk-e-qamar qamar meñ rahe

koī nahīñ hai intizār sub.h-e-visāl ke sivā
koī talab nahīñ mujhe tere jamāl ke sivā

ajab tarīq se utrā visāl kā lamha
paḌe haiñ jaan ke laale lagā ke us ko gale

is shahr-e-fusūñ-gar ke azaab aur, savāb aur
hijr aur tarah kā hai, visāl aur tarah kā

rah ga.ī dab ke mire dil hī meñ ummīd-e-visāl
ab malāl-e-shab-e-furqat ke sivā kuchh bhī nahīñ

dekh le bulbul o parvāna kī betābī ko
hijr achchhā na hasīnoñ kā visāl achchhā hai

na kah ki tāqat-e-rusvā.ī-e-visāl nahīñ
agar yahī araq-e-fitna hai mukarrar khīñch

ai jism-e-nāznīn-e-nigār-e-nazar-navāz
sub.h-e-shab-e-visāl terī malgujāhaTeñ