Tags-Visaal

shab-e-visāl kab aatī hai mere ghar ai charḳh
ki us ke pīchhe se dauḌī sahar nahīñ aatī

savāl-e-vasl pe uzr-e-visāl kar baiThe
vo kis ḳhayāl se aisā ḳhayāl kar baiThe

vo is liye mire pahlū meñ baiThte hī nahīñ
ki ye kahīñ na savāl-e-visāl kar baiThe

tire visāl ke ham shauq meñ hoñ āvāra
aziiz dost sabhoñ kī judā.iyāñ dekhīñ

ho chukā ḳhatm ahd-e-hijr-o-visāl
zindagī meñ mazā nahīñ baaqī

thā jo ek lamha visāl kā vo riyāz thā ka.ī saal kā
vahī ek pal meñ guzar gayā jise umr guzrī pukārte

ruteñ visāl kī ab ḳhvāb hone vaalī haiñ
ki us kī baat kā lahja badaltā jaatā hai

hai vāda-e-visāl-e-sanam kī vo sarḳhushī
har shai hasīn ab mirī fikr-o-nazar meñ hai

zulf un kī apne ruḳh pe pareshāñ kareñge ham
Dar hai shab-e-visāl kahīñ muḳhtasar na ho

rukī rukī sī lab-e-shauq par hai arz-e-visāl
ki phūñk de na tire zauq-e-intiḳhāb kī aañch

shahr-e-māyūsī meñ ik chhoTī sī ummīd-e-visāl
ajnabī kī shakl meñ phirtī hai ghabrā.ī huī

visāl hijr vafā fikr dard majbūrī
zarā sī umr meñ kitne zamāne aate haiñ

ham ko shab-e-visāl bhī rañj-o-mehan huā
qismat ḳhilāf-e-tab.a huā jo suḳhan huā

hai naf-e-zāt aur nasḳh-e-hastī visāl-e-jānāñ kī shart-e-avval
bharā manāzir se hai jahāñ sab jo sirf darshan kā tū hai bhūkā

āñkhoñ ne phuuT phuuT ke sab haal kah diyā
ain-e-visāl meñ bhī yahāñ ḳhāmushī nahīñ

ye ham ne maanā ki hogā visāl-e-yār nasīb
dil-e-hazīñ ko magar hai kahāñ qarār nasīb

shāyad qarīb pahuñchī sub.h-e-visāl hamdam
mauj-e-sabā liye hai ḳhush-bū-e-ḳhush-kinārāñ

ye log vo haiñ ki jin ke yādoñ ke canvas par
visāl-e-mausam kī ek mub.ham lakīr bhī to nahīñ banī hai

vo jo thī be-ḳhudī so hai maujūd
hijr se kam nahīñ visāl us kā

aa.ī hai us se pichhle pahar guftugū kī yaad
vo ḳhalvat-e-visāl vo parde chhuTe hue