Tags-Wada

kareñge va.ada zabāñ kā jab aa.egā number
usī tarah raheñ line meñ be-zabān khaḌe

ye haal terī va.ada-ḳhilāfī se ho gayā
ab to qasam bhī khāne ko mujh meñ lahū nahīñ

ġhubār-e-kūcha-e-va.ada bikhartā jaatā hai
ab aage apne bikharne kā silsila hogā

shab-e-va.ada tū agar aa.e hai to darañg kyā hai mire ghar aa
ki ye āñkheñ lag rahī dar se haiñ shab-e-rashk-e-mah ba-ḳhudā dar aa

dekho to 'qamar' un ko bulā kar shab-e-vāda
taqdīr pe barham na ho tadbīr se pahle

na apne fe.al kā ġham hai na apne qaul kā dukh
nibāhtā huuñ to va.ada bhī maiñ hī kartā huuñ

pursish kahoge kyā vahāñ jab yaañ ye sūrat hai
adā ik harf-e-vāda nāzukī se ho nahīñ saktā

va.ada bhī qayāmat kā bhalā koī hai va.ada
par dil nahīñ ḳhālī ġham-e-dīdār se ab tak

na bulvāyā na aa.e roz va.ada kar ke din kaaTe
baḌe vo ho ki tum ne achchhā achchhā kar ke din kaaTe

in kī bātoñ par yaqīñ ham umar bhar karte rahe
intizār-e-shām-e-va.ada umr bhar hotā rahā

va.ada dushman se na thā to hashr meñ sharmā.e kyuuñ
is tarah vo chup haiñ goyā baat hai maanī huī

kyā sitam hai shab-e-vāda vo hinā malte haiñ
rañg laa.e na kahīñ ḳhūn-e-tamannā ho kar

kiyā thā din kā va.ada raat ko aayā to kyā shikva
use bhūlā nahīñ kahte jo bhūlā ghar meñ shaam aayā

va.ada kiyā thā aap ne mujh se
yak-shamba ko khiir pakegī

vo kareñge vasl kā va.ada vafā
rañg gahre haiñ hamārī shaam ke

pareshāñ raat meñ dil hai charāġh-e-ās kī mānind
shab-e-vāda na aa.e vo to raushan sī sahar kyuuñ ho

kal jo thā va.ada-e-vasl aaj vo fardā niklā
din qayāmat kā to ai va.ada-shikan dikhlāyā

tujhe bhulāne kā vaada to kar liyā ham ne
magar ye shart hai tū bhī bhulā ke dekh hameñ

nazar rāhat pe merī kar na va.ada shab ke aane kā
ki merī ḳhvāb-bandī ke liye hogā fusūñ vo bhī

vo tīrgī hai rah-e-butāñ meñ charāġh-e-ruḳh hai na sham-e-vāda
kiran koī aarzū kī laao ki sab dar-o-bām bujh ga.e haiñ