Tags-Wada

ham tum haiñ ik lamhe ke
phir bhī va.ada karnā hai

kyuuñ pashemāñ ho agar va.ada vafā ho na sakā
kahīñ va.ade bhī nibhāne ke liye hote haiñ

mirī va.ada-ḳhilāfī par vo chup hai
use nārāz honā chāhiye thā

kis kā va.ada kaun aatā hai chain se sotā hogā vo
raat bahut aa.ī hai ai dil ab nāhaq bedārī hai

nibhānā ho va.ada to aisā kareñ
ki va.ade se pahle irāda kareñ

be-shak nibhā na paa.e va.ada kiyā jo tum ne
lekin sanam tumhārā va.ada pasand aayā

jhūTī ummīd dilāne se to behtar hai 'qamar'
vahī TuuTā huā va.ada mujhe vāpas kar de

tū ne va.ada kiyā thā jis din kā
dil ne us shaam intihā kar dī

na taraddud kā mazā hai na sukūñ kī lazzat
kabhī va.ada kabhī inkār baḌī mushkil hai

shab-e-va.ada ḳhayāloñ ke ufuq par
gurezāñ sī ziyā tharrā rahī hai

kiyā hai aane kā va.ada to us ne
mere parvardigār aa.e na aa.e

vo jo ham meñ tum meñ qarār thā tumheñ yaad ho ki na yaad ho
vahī yaanī va.ada nibāh kā tumheñ yaad ho ki na yaad ho

un kā va.ada un kā paimāñ un kā iqrār un kā qaul
jitnī bāteñ haiñ hasīnoñ kī vo be-buniyād haiñ

aatā hai to aa va.ada-farāmosh vagarna
har roz kā ye lait-o-la.al jaa.e to achchhā

khīñchne kā jo va.ada kare saañs ko vasl ke pul talak
qissa-e-tūl-e-hijrāñ sunā.ūñ tujhe muḳhtasar zindagī

bahut din ba.ad 'zehrā' tū ne kuchh ġhazleñ to likkhīñ
na likhne kā kisī se kyā koī va.ada kiyā thā

hazār harf-e-hikāyat vo ek nīm-nigāh
hazār va.ada-o-paimāñ vo ek jumbish-e-lab

milnā to aaj bhī na huā shab ko aur uThā
īfā-e-va.ada ai but ḳhud-kām dosh par

shikast-e-va.ada kī mahfil ajiib thī terī
mirā na honā thā barpā tire na aane meñ

na aayā kar ke va.ada vasl kā iqrār thā kyā thā
kisī ke bas meñ thā majbūr thā lāchār thā kyā thā