Tags-Wada

jaan lene kā to va.ada aaj puurā ho gayā
aur sab va.ade tumhāre yuuñ ke yūñhīñ rah ga.e

laboñ pe rahnā ki jab tak ummīd-e-āmad us kī hai mujh ko baaqī
kare na va.ada vafā agar vo to mujh se ai jaañ vafā na karnā

mujhe kal ke vaade pe karte haiñ ruḳhsat
koī va.ada puurā huā chāhtā hai

ham aur beach meñ aate haiñ un kī bātoñ ke
unhoñ ne va.ada kiyā ham ne e'tibār kiyā

nahīñ ma.alūm kis ko tāḌte haiñ kis se va.ada hai
ba-vaqt-e-shām paas aa kar jo vo chilman ke baiThe haiñ

maiñ bhī hairān huuñ ai 'dāġh' ki ye baat hai kyā
va.ada vo karte haiñ aatā hai tabassum mujh ko

havās aate jaate rahe roz-e-vāda
tirī yaad ho kar mirī jaan ho kar

yuuñ nibāhā tirā vaada tire ġham ne barsoñ
ġham-e-ayyām kī paimāñ-shikanī yaad aa.ī

ab pashemāñ huuñ ki kyuuñ un ko kahā va.ada shikan
ik zarā sī baat par muddat ke yārāne ga.e

kaTte hī kaTegī hijr kī shab liye dard chalo tā-sub.h-e-tarab
in shauq kī maarī āñkhoñ se kuchh va.ada-o-paimāñ aur sahī

ab ke bichhḌe miloge phir ki nahīñ
kuchh to va.ada va.iid kar liije

baḌā bad-ahd hai is shohrat-e-īfā-e-vāda par
agar mash.hūr tū paimāñ-shikan hotā to kyā hotā

jahāñ ga.e yahī dekhā ki log marte haiñ
yahī sunā ki vo va.ada vafā nahīñ karte

sachchā.ī se bilkul aarī hotā hai
terā va.ada bhī sarkārī hotā hai

karnā hī thā harām to phir vaada kis liye
ye kyā ki mai halāl vahāñ ho yahāñ na ho

tumhārī bazm se uTh kar ye va.ada kartā huuñ
jahāñ bhī jā.ūñgā ab jhūT-mūT jā.ūñgā

kiyā hai us ne har ik se visāl kā va.ada
is ishtiyāq meñ marnā zarūrī hotā hai

kitne bhī ġham-zada hoñ magar muskurā.eñge
va.ada jo kar liyā hai ki aañsū na ā.eñge

sahāre par sahar hotī shab-e-hijr
na aate va.ada farmāyā to hotā

ham se va.ada thā ik savere kā
haa.e kaisā makr gayā sūraj