Tags-Wada

ab tum kabhī na aaoge yaanī kabhī kabhī
ruḳhsat karo mujhe koī va.ada kiye baġhair

na aate hameñ is meñ takrār kyā thī
magar va.ada karte hue aar kyā thī

anā kā agar bojh kam kar sako to
ye va.ada hai sar pe biThāyā kareñge

nadiyā par milne kā va.ada
mez ke uupar rah jaatā hai

raat palkoñ pe dil dhaḌaktā thā
terā va.ada bhī kyā qayāmat hai

va.ada-shikan vo laakh sahī par mujh ko hairāñ karne ko
kabhī kabhī to mujh se milne va.ade par bhī aayā hai

tire intizār meñ hai taab ye marīz-e-hijr hai jāñ-ba-lab
kahīñ aa bhī va.ada-ḳhilāf ab ki yahāñ to kaam tamām hai

laboñ par chup sī rahtī hai hamesha
koī va.ada huā thā yaad hogā

chāhī vafā-e-vāda to paayā javāb kyā
haañ kahiye to ye aap ne dekhā hai ḳhvāb kyā

vaada ġhalat pate bhī batā.e hue ġhalat
tum apne ghar mile na raqīboñ ke ghar mile

ro.eñ yā hañseñ is hālat par ehsās ye hotā hai aksar
va.ada to kisī se 'shāz' na thā ham haiñ ki mukarte jaate haiñ

hashr ke din kī raat ho ki na ho
apnā va.ada vafā kare koī

ye shām-e-va.ada hai ki paḌāv hai vaqt kā
ik lamha ik sadī ke barābar lagā mujhe

kuchh uzr pas-e-va.ada-ḳhilāfī nahīñ rakhte
ho kaise masīhā dam-e-shāfī nahīñ rakhte

jūThā va.ada bhī ai 'hafīz' un kā
zindagī kā mirī sahārā thā

va.ada āshiq se na ho sachchā to jhūTā hī sahī
chāhiye kuchh to tasallī dil baḌhāne ke liye

huā tū ġhair se jab ham-kanār mere saath
kahāñ vo vaada rahā aur kahāñ qarār rahā

koī to apnā va.ada hī āsānī se bhuul gayā
aur kisī kī do āñkheñ darvāze par rakkhī haiñ

thā va.ada shaam kā magar aa.e vo raat ko
maiñ bhī kivāḌ kholne fauran nahīñ gayā

jis pe va.ada hai rab kī baḳhshish kā
qatra-e-infi'āl kyā hogā