Tags-Wada

kare jo va.ada to is tarah kā ki dil ko sunte hī ho tasallī
jo sochiye phir to kaisā va.ada faqat bahāna fareb aur chhal

kiyā thā tum se jo va.ada nibhā rahe haiñ ham
tumhārī jaan ko jānam udaas karte nahīñ

koī va.ada bhī to vafā na huā
be-vafāoñ se pyaar kaun kare

mai-e-nashāt-o-tarab jis kā ham se va.ada thā
jabhī huī na farāham to ab kahāñ hogī

hamesha der kar detā huuñ maiñ har kaam karne meñ
zarūrī baat kahnī ho koī va.ada nibhānā ho

yaqīñ kaise kareñ va.ade pe tere
yahī va.ada hai jo karte sabhī haiñ

o va.ada-ḳhilāf sālhā-sāl
āñkhoñ ne kī hai pāsbānī

aap ne to jhūTā va.ada kar diyā
jaan muTThī meñ hamārī aa ga.ī

tashrīf shab-e-va.ada jo vo laa.e hue haiñ
sar ḳham hai nazar nīchī hai sharmā.e hue haiñ

numūd-e-sub.h-e-va.ada se to ḳhair ummīd hī kyā thī
vo furqat kī shab-e-hañgāma-ārā ho ga.ī āḳhir

kiyā va.ada tumheñ jo vo sila thā
sabab palkeñ bichhānā chal rahā hai

de na paayā vo koī va.ada-ḳhilāfī kā javāz
muzmahil us ke na aane ke bahāne nikle

ḳhabar kyā thī na milne ke na.e asbāb kar degā
vo kar ke ḳhvāb kā vaada mujhe be-ḳhvāb kar degā

nahīñ jab pās-e-va.ada to mukar bhī jāoge ik din
badal jā.egā jab dil to na badlegī zabāñ kab tak

un ke aane ke tasavvur meñ yahī kahtā huuñ
ai shab-e-va.ada na ho sub.h vo karte haiñ banāv

toḌ kar va.ada jā nahīñ saktā
vo mirā dil dukhā nahīñ saktā

baiThe suḳhan meñ va.ada-ḳhilāfī kā bol kyuuñ
hargiz nabol' bol ai shīrīñ-dahan ġhalat

vafā-e-vāda pe dil nukta-chīñ hai vo ḳhāmosh
hadīs-e-mehr-o-vafā aaj guftanī bhī nahīñ

tumhāre lab pe khilā hai to va.ada hai taslīm
vagarna apne bharose kī tum rahī to nahīñ

maanā ki un se raat kā va.ada hai ai 'qamar'
kaise vo aa sakeñge agar chāñdnī huī