Tags-Wada

shab-e-va.ada fasīl-e-hijr se aage chamaktā hai tirā ism-e-sitāra-jū
ki jaise koī paivand-e-ridā-e-sub.h aa jaa.e kisī qindīl kī zad meñ

kal va.ada-gāh meñ jab vo bevafā na aayā
uktā ke uTh ga.e ham nā-chār baiThe baiThe

mire mahbūb kā va.ada
isī tishna sitāre ke ta.āqub meñ suḳhan apnā falak mahtāb o anjum ke safīnoñ se

chīñtiyoñ se phir mirā va.ada huā
ek koshish āzmānī aur hai

ḳhush huuñ is vāda-farāmoshī se
us ne hañs kar to kahā bhuul gayā

baḌhtī jaatī hai kashish va.ada-gah-e-hastī kī
aur koī khīñch rahā hai adam-ābād se bhī

va.ada le letā ki khilvāna na mujh ko Thokareñ
ālam-e-arvāh meñ jis jā qazā thī maiñ na thā

va.ada-ḳhilāf kitne haiñ ai rashk-e-māh aap
sach to ye hai ki jhūToñ ke haiñ bādshāh aap

ham na mile aur jab bhī mile to donoñ ne iqrār kiyā
haañ vo va.ada aisā thā jo puurā hone vaalā thā

va.ada karte ho vafā karte ho kyā karte ho
jurm-e-qānūn-e-jafā karte ho kyā karte ho

jab baat vafā kī aatī hai jab manzar rañg badaltā hai
aur baat bigaḌne lagtī hai vo phir ik va.ada karte haiñ

un kā va.ada aur mujhe us par yaqīñ ai ham-nashīñ
ik bahāna hai taḌapne tilmilāne ke liye

umr bhar saath nibhāne kā karūñ kyā va.ada
zindagī ab to mujhe ḳhud pe bharosa bhī nahīñ

jafā-jū sañg-dil be-rahm hai va.ada-shikan hai vo
tū aayā bhī to kis par ai dil-e-ḳhāna-ḳharāb aayā

are o va.ada-farāmosh pahāḌ aisī raat
kyā kahūñ kaise kaTī tere nahīñ aane se

ye hunar bhī to tum ko aatā hai
phir se va.ada karo mukar jaao

sab chāhte haiñ us se jo va.ada visāl kā
kahtā hai vo zabāñ hai kise duuñ kise na duuñ

na sub.h-e-vasl karo va.ada shaam kā sāhab
yahāñ hai sham-e-sahar ārzū-e-shām nahīñ

kabhī nīlgūñ āsmāñ ke tale
sabz sāhil pe milne kā va.ada huā thā

jaise kisī se vasl kā va.ada vafā huā
yuuñ sub.h-dam charāġh se sho.ala judā huā