Tags-Wada

log vo kitnī chain kī nīndeñ sote haiñ
va.ada kar ke jald mukarne vaale log

aise dekho nā mohabbat kā gumāñ hotā hai
va.ada lenā hai to va.ada nahīñ karne vaalī

mushtāq-laqā hai ik ḳhudā.ī
ab va.ada hashr par na Taalo

tark-e-va.ada ki tark-e-ḳhvāb thā vo
kaam sab ho chukā jo karnā thā

ai ajal tujh se bhī kyā ḳhaak rahegī ummīd
vaada kar ke jo tirā roz mukarnā hai yahī

vaada bhī kar lo vaada pe yaañ aa bhī jaao tum
ye sab sahī tumhārī nahīñ kā javāb kyā

shām-e-va.ada hai agar ab bhī na vo aa.e to phir
aur is ġham meñ jo dhaḌkan dil kī ruk jaa.e to phir

na koī va.ada na koī yaqīñ na koī umiid
magar hameñ to tirā intizār karnā thā

aap ne jhūTā va.ada kar ke
aaj hamārī umr baḌhā dī

abas ye har-dam kā chauñknā hai abas ye uTh uTh ke dekhnā hai
bhalā vo aise hue the kis din vahī to va.ada vafā kareñge

ham us se chaah kar bhī bach nahīñ sakte kisī sūrat
nibhānā paḌtā hai is ko mohabbat ek va.ada hai

ik vaada jo kiyā hī nahīñ hai abhī 'salīm'
mujh ko vahī to vaada nibhānā hai aur bas

vo aur va.ada vasl kā qāsid nahīñ nahīñ
sach sach batā ye lafz unhī kī zabāñ ke haiñ

ai 'qamar' shaam kā va.ada hai vo aate hoñge
shaam kahlātī hai tāroñ ke nikal aane tak

bāġhbāñ fasl-e-bahār aane pe va.ada to qubūl
aur agar ham na rahe fasl-e-bahār aane tak

raat kā vaada hai bande se agar banda-navāz
band meñ de lo girah tā ki zarā yaad rahe

va.ada thā kab kā bār-e-ḳhudā sochne to de
ma.aqūl koī uzr nayā sochne to de

va.ada hai ki jab roz-e-jazā aa.egā
tū apne hī jalvoñ meñ ghirā aa.egā

ye ek mela hai va.ada kisī se kyā legā
Dhalegā din to har ik apnā rāsta legā