Tags-Wada

maiñ ne ghāTe kā bhī ik saudā kiyā
jis se jo va.ada kiyā puurā kiyā

apne pahlū meñ tujhe dekh ke hairat hai mujhe
ḳharq-e-ādat hai tirā vaada vafā ho jaanā

va.ada aqsām kar chukā tū ḳhilāf
ab ke chhoḌūñgā maiñ qasam le kar

jhuuT hī sahī vaada kyuuñ yaqīñ na kar lete
baat dil-fareb un kī dil umīd-vār apnā

aarzū ḳhvāb dil-lagī va.ada
in gharoñdoñ pe kuchh bharosā kyā

ward ke kitne hī marīzoñ se
us ne va.ada kiyā hai shādī kā

ġhazab hai mirī us se takrār-e-va.ada
sitam hai jo mauqa.a milā ab nahīñ kā

vo kab binā batā.e va.ada toḌ gayā
āñkhoñ se bhī ānā-kānī hotī hai

bhūlne vaale ko shāyad yaad va.ada aa gayā
mujh ko dekhā muskurāyā ḳhud-ba-ḳhud sharmā gayā

agar yahī hai talavvun un kā ḳhudā hī hai va.ada ho jo puurā
kahā thā kal aaj vasl hogā vo aaj phir kal pe Tālte haiñ

hai kisī se aaj va.ada kuchh ajī ḳhālī nahīñ
ye dhaḌe missī kī hoñToñ par jamānī aap kī

sahar huī shab-e-va.ada kā iztirāb gayā
sitāre chhup ga.e gul kar dī raushnī maiñ ne

ilzām na deñge ham tum ko taskīn meñ koī kī na kamī
vaada to vafā kā tum ne kiyā kyā kījiye iifā mushkil hai

ḳhurshīd ko jaam se sharmā.eñge shaam ko terā va.ada thā
īfā-e-ahd-e-shām ki saaqī raat guzarne vaalī hai

apnā va.ada nibhā nahīñ saktā
kaash us aañkh se utar jā.ūñ

bose va.ade se kam nahīñ manzūr
dam na do ham ko dam ke kyā ma.anī

yūñhī va.ada karo yaqīñ ho jaa.e
kyuuñ qasam luuñ qasam ke kyā ma.anī

shām-e-vāda ne kis din hamārā irāda sunā
kab kise shab milī aur kis ne savere liye

tumhārā haath jab mere larazte haath se chhūTā ḳhizāñ ke āḳhirī din the
vo mohkam be-lachak va.ada khilaune kī tarah TuuTā ḳhizāñ ke āḳhirī din the

va.ada kabhī sachchā koī kartā hī nahīñ hai
andesha-e-fardā to guzartā hī nahīñ hai