Tags-Wada

maiñ ne ghāTe kā bhī ik saudā kiyā
jis se jo va.ada kiyā puurā kiyā

us ne chheḌā thā mujhe tum jaan doge kab hameñ
kah diyā maiñ ne bhī jab vaada vafā ho jā.egā

savāl-e-vasl par kuchh soch kar us ne kahā mujh se
abhī va.ada to kar sakte nahīñ haiñ ham magar dekho

yaad na aane kā va.ada kar ke
vo to pahle se sivā yaad aayā

hai lutf taġhāful meñ yā jī ke jalāne meñ
vaada to kiyā hotā go vo na vafā hotā

chalo ik va.ada karte haiñ
ki ham aur aap sab bhī

'qamar' un ko na aanā thā na aa.e sub.h hone tak
shab-e-va.ada sajāte hī rahe ghar raat bhar apnā

haañ ye bhī tarīqa achchhā hai tum ḳhvāb meñ milte ho mujh se
aate bhī nahīñ ġham-ḳhāne tak va.ada bhī vafā ho jaatā hai

ḳhudā se le liyā jannat kā va.ade
ye zāhid to baḌe hī ghaag nikle

maiñ itnā va.ada-farāmosh bhī nahīñ huuñ ki aap
mire libās pe girheñ lagāne lag ga.e haiñ

va.ada shab kā thā mujhe din ko vo dekhā to kahā
nām-e-zañgī ajī kāfūr huā ḳhuub huā

ham ne hī lauTne kā irāda nahīñ kiyā
us ne bhī bhuul jaane kā va.ada nahīñ kiyā

va.ada aane kā vafā kiije ye kyā andāz hai
tum ne kyuuñ sauñpī hai mere ghar kī darbānī mujhe

ek muddat huī us ko ro.e hue ek arsa huā muskurā.e hue
zabt-e-ġham kā ab aur us se va.ada na ho varna bīmār kā dam nikal jā.egā

haañ yaad aayā is bastī meñ kuchh diye jalā.e the maiñ ne
tum un ko bujhne mat denā bas ye va.ada ik baar karo

jo bhī mutāliba huā uzr zarā nahīñ kiyā
ab to nahīñ kahoge tum va.ada vafā nahīñ kiyā

ġhair se va.ada o iqrār hue kyā kyā kuchh
mere ḳhush karne ko ik fiqra udhar chhoḌ diyā

karte ho va.ada aane kā hai aañkh muntazar
kab tak guzāre din ye hai mehmāñ kisī tarah

qayāmat hai shab-e-vāda kā itnā muḳhtasar honā
falak kā shaam se dast-o-garebān-e-sahar honā

nigāhoñ meñ sham-e-tamannā jalā kar takī hoñgī tum ne bhī rāheñ kisī kī
kisī ne to va.ada kiyā hogā tum se kisī ne to tum ko rulāyā to hogā